بالعقل

انا مهندس زراعى خريج كلية زراعة و أكيد قبلها كنت علمى علوم تقريبا ً طول عمرى تفكيرى تفكير علمى و أهم ما يميز التفكير العلمى هو منهج الإستنباط و الإستدلال ، مشكلة الكثيرين من المصريين المحدثين و خاصة ً الإسلاميين يقولوا لك انتا حاتدخل العلم فى كل حاجة ؟ و كأنه حرام طبعا ً العلم يدخل فى كل حاجة و العلم الحقيقى يوصلك لربنا زى ما قال أينشتاين فى آخر ايامه " عرفت الله " ده حتى العامة بيقولوها " ربنا عرفوه بالعقل " و هذا كان جليا ً فى قصة أبينا إبراهيم عليه السلام فى طريقه لمعرفة الله ، التفكير العلمى بخطواته المعروفة ينور لك الدنيا كلها قد لا يعرف الكثيرون أننا قبل نضع المنهج العلمى و التفكير العلمى سبيلا ً Scientific Method قبله كان هناك منهج اسمه المنهج السببى Causal Method و المنهج ده ذ ُكر فى القرآن فى سورة الكهف عن أسلوب ذى القرنين " ثم أتبع سببا ً " .
اللى عاوز أقوله إن اللى بيفصلنا عن الحضارة ( اى حضارة لكى لا أحسب من المستغربين ) اى حضارة مش بس طريقة التفكير العلمى إنما عنصر الخيال و منهج التنبؤ ، و كثيرين من المسلمين المحدثين يعتبرون منهج التنبؤ رجما ً بالغيب و لكنى أود أن اقول لهم أن ليس هذا هو الرجم بالغيب .
منهج التنبؤ يقوم على مقدمات و استدلالات و إشارات و مناهج تخضع للبحث و الدراسة فتخرج إلينا عدة نتائج لا لبس فيها و لا يخرج عنها مستقبل الموضوع محل الدراسة .
و هذا ما فعلته و كتبته فى هذا الموضوع ، انا أقدر أننى كبيت مياه مثلجة على رؤوسكم جميعا ً و ما أنتم فيه الآن شهقة و رجفة المياه المثلجة .
كل التيارات الإسلامية فى مصر تدعو إلى تطبيق الشريعة الإسلامية و إقامة الحدود و بناء دولة إسلامية ذات إطار و ملامح متفردة عن كافة الدول العربية منها قبل الغربية ، و لكن لم يتوقفوا لحظة ليزيحوا الستار و يشرفوا على المستقبل القريب قبل البعيد ...
بالطبع النوايا حسنة و الشعب المصرى رغم كل العيوب اللى فيه و هو مش متدين زى ما بنقول عن نفسنا فى شيفونية واضحة لكننا و الحمد لله شعب بيعرف يرجع لربنا قد لا نكون متدينين و لكنا عايزين ربنا يكرمنا فى الآخرة بحياة أفضل فبعد 30 سنة فقر و ذل و إهانة و قلة أدب المصريين مابقوش قادرين يتصوروا أنهم ممكن يخدوا حقوقهم فى الدنيا و ده السبب فى تقصيرهم فى واجباتهم المصريين كان كل أملهم يصبروا عشان ربنا يعوضهم خير فى الآخرة بدل الزفت اللى هما عايشين فيه ممكن يكونوا بيغلطوا كتير بس الحمد لله بيعرفوا يرجعوا لربنا ...
التيارات الإسلامية فى مصر سوقت للمصريين فكرة إن إقامة الدولة الإسلامية حايخلى حياتهم جنة فى يوم و ليلة او بين عشية ً و ضحاها ...
مع إن الإسلام نفسه بيقولنا إن ده مش حايحصل إلا بالعمل و الشقا و الإجتهاد ...
الدولة الإسلامية هرم لما قاعدته تبقى من المسلمين الحقيقيين منطقى جدا ً إن قمته تبقى قمة تساعد على قيام الحضارة الإسلامية .