الكدابين اهما

الكدابين اهما ... اللى قالوا احنا مش جماعة احنا منهج احنا الإسلام نفسه

الكدابين اهما ... اللى اتريقوا لما قلنا لهم بتاخدوا فلوس من السعودية قالوا فين الكارنيه يمكنا ينوبنا من الحب جانب

الكدابين اهما ... اللى كانوا بيكفروا الخروج على الحاكم و حرموا المظاهرات و بعدين ركبوا على الثورة و شبابها
الكدابين اهما ... اللى بقالهم دلوقتى شهدا فى الثورة بعد ماقهروا قلوب الناس و قالوا أنهم قتلى و ليسوا شهدا
الكدابين اهما ... اللى طول عمرهم بيقولوا مالهمش فى السياسة

الكدابين اهما ... اللى بيبطنوا عكس ما يظهروا و يقولوا شايفينا وحشين ليه ؟

الكدابين اهما ... اللى بيتمسحوا فى الإسلام و هما بينفذوا أجندات السعودية و الخليج

الكدابين اهما ... ماقدروش يستنوا و حايعملوا حزب و إتنين و لسة بينكروا التمويل و العمل بالسياسة

الكدابين اهما ... اتحالفوا مع الإخوان المسلمين عشان مصالحهم الشخصية

الكدابين اهما ... عملوا أحزاب و دلوقتى بقوا معترفين بصندوق الإنتخاب و بالديمقراطية بس الليبرالية كفر عشان الأولانية حاتوصلهم للحكم بس التانية حاتعرف الناس حقيقتهم

الكدابين اهما ... اللى مابيهتموش بالعلم و قيمة العمل عاوزين يمسكوا الحكم و يرجعونا لمطلع القرن الثالث الميلادى

الكدابين اهما ... اللى الرجعية منهجهم و الجمود تفكيرهم و النقل أسلوبهم و إعادة نشر الكتب الصفراء المغمورة علومهم و شيوخ السعودية أنبياءهم و شيوخ مصر أولياءهم الصالحين

الكدابين اهما ... اللى مش مؤمنين بحرية التعبير و مؤمنين بس بالإقصاء و التنكيل