الموضوع يا جماعة أبسط من كده بكتير اللى بيطالب بتطبيق الشريعة من غير ما يعى اللى بيقوله ممكن يفهمنا إيه الميكانيزم ؟ يعنى يقول لك احنا ماعندناش فى الإسلام مجلس ملالى اى ولاية الفقيه طب إيه يقول لك عاوزين حاكم مسلم ماهو طبيعى امال حاييجى بوذى ... [ و عمره ماحييجى نصرانى مش تعصب بس الديمقراطية اللى مش عاجباكم معناها إن لو كل مسيحى فى مصر من عمر سنة واحدة إلى ما شاء الله خرج يصوت لمرشح مسيحى مش حاينجح ] يقول لك لأ بس يعرف ربنا و يطبق الشريعة ... يعنى فقيه !!! ما هو مش كل المسلمين بيعرفوا الشريعة المسلمين يعرفوا بس واجباتهم و فروضهم و لا الحاكم بعد كده لازم ياخد كورس شريعة ؟؟؟
و تطبيق الحدود ايه ميكانزمه يعنى مثلا ً حاترشحوا نواب إسلاميين يعملوا قوانين جديدة ؟؟ ماشى انا موافق بس دى ديمقراطية و انتا مابتحبوش الكلام ده ؟ طب ايه الميكانزم ؟ هل الميكانزم قبلى مثلا ً يعنى كل إقليم فيه مجموعة بتقيم الحدود على الخارجين زى ماحصل فى الصعيد ؟ إيه الميكانيزم ؟ ايه الآلية لو إنجليزيتكم محدودة ، و بعدين التنفيذ نفسه إزاى يعنى قطع اليد حايتم بواسطة الداخلية عادى زى الإعدام و لا حاتيعنوا له حد تانى ؟ حد الرجم ده جبتوه منين مش مذكور فى القرآن و معلوماتى انه كان ماشى بس لحد مانزلت آيات سورة النور ، و لو معلوماتى قاصرة فى الشريعة و فيه رجم حايتم فين ؟ حاتعملوا له ميدان مخصوص و تجيبوا للناس طوب مخصوص يحدفوا بيه و لا ناويين تتطبقوه فى الصحراء و تنقلوا الناس باوتوبيسات و لا تريحوا نفسكم و زمرة من التنفيذيين هما اللى يرجموا و كذلك الجلد و الصلب و تقطيع الأطراف من خلاف فى حدود الحرابة ... إيه الآلية ؟
و هل المشكلة كلها فى تطبيق الحدود ؟ طب و الجهاد لما سألت قالوا لى دى حاجة ترجع للمؤسسة العسكرية يعنى إزاى نطبق الشريعة و مانجاهدش ؟ إزاى نطبق الشريعة من نغير ما يكون فيه مرجعية بتقولنا نمشى إزاى ؟ و إزاى حاتبقى فيه مرجعية و مش حاتبقى فيه ملالى ؟ إيه الآلية ؟
مين حايجمع الزكاة ؟ وزارة المالية ؟ و لا هيئة جديدة ؟ ليها مأمورين زى بتوع الضرايب ... و طبعا ً دول ليهم نصيب من الزكاة بنص القرآن ، طيب لما الزكاة عن طريق الهيئة دى تبقى كل الجمعيات و المنظمات التانية تقفل و لا تشتغل و تدينى ورقة بدفعى للزكاة و لما أتأخر حاتبقى فيه عقوبة ؟ و لما نلاقى ناس مش عاوزة تدفع الزكاة لأى سبب عصاة ، عنيدين ، ... إلخ حاتعملوا معاهم إيه ؟ إيه الميكانيزم ؟ إيه الآلية ؟
لما تيار إسلامى يوصل للحكم يتفق مع بقية التيارات فقهيا ً و لا حايختلف ؟ و لما حايوصل أتباعه حايمثلوا لنا إيه ؟ دعاة ؟ أم وصاة ؟ أم مجرد أتباع زى مايكونوا أعضاء فى حزب ؟ إيه الآلية ؟
مش كل الناس عارفة ربنا حاتعملوا إيه مع التايهيين ؟ طب و العصاة ؟ واحد أهبل مش عاوز يصلى حاتعملوا معاه إيه ؟ واحدة مش عاوزة حتى تلبس حجاب و مصرة تمشى طالقة شعرها و لابسة اللى على مزاجها حاتعملوا معاها إيه ؟ واحد مختلف مع التيار الحاكم فقهيا ً او تنظيريا ً حاتعملوا معاه إيه ؟ إيه الميكانزم ؟
مغنى مـُصر يغنى و يعمل حفلاته الغنائية حاتعملوا معاه إيه ؟ مخرج سينما دماغه زى الصرمة و مـُصر يقدم السينما اللى على هواه حاتعملوا معاه إيه ؟ إيه الميكانزم ؟
حانشرع قوانين جديدة لكل شؤون الحياة و لا حاتبقى إجتهادات شخصية تنفيذها جماعى ؟ و لو حانشرع قوانين حاتبقى فى البرلمان و لا البرلمان فى الدولة الإسلامية مالوش وجود ؟ إيه الميكانزم ؟
و تطبيق الحدود ايه ميكانزمه يعنى مثلا ً حاترشحوا نواب إسلاميين يعملوا قوانين جديدة ؟؟ ماشى انا موافق بس دى ديمقراطية و انتا مابتحبوش الكلام ده ؟ طب ايه الميكانزم ؟ هل الميكانزم قبلى مثلا ً يعنى كل إقليم فيه مجموعة بتقيم الحدود على الخارجين زى ماحصل فى الصعيد ؟ إيه الميكانيزم ؟ ايه الآلية لو إنجليزيتكم محدودة ، و بعدين التنفيذ نفسه إزاى يعنى قطع اليد حايتم بواسطة الداخلية عادى زى الإعدام و لا حاتيعنوا له حد تانى ؟ حد الرجم ده جبتوه منين مش مذكور فى القرآن و معلوماتى انه كان ماشى بس لحد مانزلت آيات سورة النور ، و لو معلوماتى قاصرة فى الشريعة و فيه رجم حايتم فين ؟ حاتعملوا له ميدان مخصوص و تجيبوا للناس طوب مخصوص يحدفوا بيه و لا ناويين تتطبقوه فى الصحراء و تنقلوا الناس باوتوبيسات و لا تريحوا نفسكم و زمرة من التنفيذيين هما اللى يرجموا و كذلك الجلد و الصلب و تقطيع الأطراف من خلاف فى حدود الحرابة ... إيه الآلية ؟
و هل المشكلة كلها فى تطبيق الحدود ؟ طب و الجهاد لما سألت قالوا لى دى حاجة ترجع للمؤسسة العسكرية يعنى إزاى نطبق الشريعة و مانجاهدش ؟ إزاى نطبق الشريعة من نغير ما يكون فيه مرجعية بتقولنا نمشى إزاى ؟ و إزاى حاتبقى فيه مرجعية و مش حاتبقى فيه ملالى ؟ إيه الآلية ؟
مين حايجمع الزكاة ؟ وزارة المالية ؟ و لا هيئة جديدة ؟ ليها مأمورين زى بتوع الضرايب ... و طبعا ً دول ليهم نصيب من الزكاة بنص القرآن ، طيب لما الزكاة عن طريق الهيئة دى تبقى كل الجمعيات و المنظمات التانية تقفل و لا تشتغل و تدينى ورقة بدفعى للزكاة و لما أتأخر حاتبقى فيه عقوبة ؟ و لما نلاقى ناس مش عاوزة تدفع الزكاة لأى سبب عصاة ، عنيدين ، ... إلخ حاتعملوا معاهم إيه ؟ إيه الميكانيزم ؟ إيه الآلية ؟
لما تيار إسلامى يوصل للحكم يتفق مع بقية التيارات فقهيا ً و لا حايختلف ؟ و لما حايوصل أتباعه حايمثلوا لنا إيه ؟ دعاة ؟ أم وصاة ؟ أم مجرد أتباع زى مايكونوا أعضاء فى حزب ؟ إيه الآلية ؟
مش كل الناس عارفة ربنا حاتعملوا إيه مع التايهيين ؟ طب و العصاة ؟ واحد أهبل مش عاوز يصلى حاتعملوا معاه إيه ؟ واحدة مش عاوزة حتى تلبس حجاب و مصرة تمشى طالقة شعرها و لابسة اللى على مزاجها حاتعملوا معاها إيه ؟ واحد مختلف مع التيار الحاكم فقهيا ً او تنظيريا ً حاتعملوا معاه إيه ؟ إيه الميكانزم ؟
مغنى مـُصر يغنى و يعمل حفلاته الغنائية حاتعملوا معاه إيه ؟ مخرج سينما دماغه زى الصرمة و مـُصر يقدم السينما اللى على هواه حاتعملوا معاه إيه ؟ إيه الميكانزم ؟
حانشرع قوانين جديدة لكل شؤون الحياة و لا حاتبقى إجتهادات شخصية تنفيذها جماعى ؟ و لو حانشرع قوانين حاتبقى فى البرلمان و لا البرلمان فى الدولة الإسلامية مالوش وجود ؟ إيه الميكانزم ؟
ليست هناك تعليقات:
إرسال تعليق