المشهد بين محمود - كريم عبد العزيز و ريهام ابو العزم - رشا مهدى بعد أن خطفها ضمن خطة انتقامه تقول له بعد أن يلقيها أرضا ً
- ليه ... ليه كده ؟
- ليه كده ؟ .. هه و الله الدنيا دى غريبة قوى انتى عارفة إن ده نفس السؤال اللى بسأله لنفسى كل يوم .. ليه كده ؟
ليه فيه ناس بلما بتغلط بتدفع تمن غلطتها ، و ناس لما بتغلط ما بتحبش تتحاسب ، ليه واحدة كان كل حلمها تغير ستارة ... تشترى كنبة ... تشترى شفاط بدل ما نفسها يكتم فى المطبخ و هيا بتطبخ لجوزها ، ليه فجأة حياتها تنتهى من غير سبب ... هه ليه كده ؟
ليه عيل لسة ما كملش أربع سنين يتحرم من أمه بقية حياته عشان فيه ناس قررت تعمل معاه ده ... ليه كده ؟
انا عارف إنك مش زى ابوكى و انك بنى آدمة و دى أكتر حاجة كرهتها فيكى كان نفسى تطلعى زيهم ... إنما لأ احنا بيوتنا تتخرب و حياتنا تبوظ و عيالنا تتيتم عشان انتوا تعيشوا ... ليه كده هه ؟
بعد عمر طويل حتقابلى واحدة اسمها منى تبقى إسأليها ليه كده ؟
من فيلم " واحد من الناس " تأليف بلال فضل و إخراج أحمد جلال
ليست هناك تعليقات:
إرسال تعليق