سألنى الليل بتسهر ليه مادام قلبك صبح خالى
سهرت يا ليل أنادى عليه و أعيد الذكرى على بالى
رجعت الفكر للماضى و أيام الهوى الحلوة
لقيت قلبى فى هواه ماضى يعيد الحب و النجوى
و قصة حب مع حبه
حكيتها مهجتى لقلبه
و بين الماضى و الحاضر يا ليل يا ليل
خياله يمر عا الخاطر يا ليل يا ليل
أفكر فيه و أعيد لياليه
و انا و طيفه و الهوى
عشنا على نار الجوى
نحلم بماضينا سوى
منين قلبى صبح خالى و انا هايم بأشواقى
يروح العمر يا ليالى و فيه قلوب م الهوى باقى
ده أول حب هنانى
و أول حب بكانى
و أول حب بيه موعود يا ليل يا ليل
وحب القلب حب خلود يا ليل يا ليل
وحب الروح
ما عمره يروح
و إحنا على عهد الهوى
حا نعيش بأرواحنا سوا
نحلم بماضينا سوا
سألنى الليل بتسهر ليه ما دام قلبك صبح خالى
سهرت يا ليل أنادى عليه و أعيد الذكرى على بالى
يا ليل الدهر فرقنا و فاتنا بين دموع و جراح
يا ليل و آدينا فى فراقنا و إبكى معانا عالى راح
ده هو قلبى و انا قلبه
و هو حبى و انا حبه
و هو اللى حياتى فيه يا ليل
و باسرح فيه
و أقولك إيه يا ليل يا ليل
قدر مكتوب فى علم الغيب
و إحنا على عهد الهوى
حا نعيش بأرواحنا سوا
نحلم بماضينا سوا
سألنى اليل بتسهر ليه مادام قلبك صبح خالى
سهرت يا ليل أنادى عليه و أعيد الذكرى على بالى
أغنية :- سألنى اليل
غناء و ألحان :- الموسيقار فريد الأطرش
كلمات الشاعر :- عبد العزيز سلام
غناها الأمير العاشق فريد الأطرش فى فيلم قصة حبى شاركه فى بطولة هذا الفيلم الفنانة الكبيرة إيمان أخرج هذا الفيلم هنرى بركات و كان قصة و سيناريو و حوار ابو السعود الأبيارى و عــُرض هذا الفيلم لأول مرة سنة 7 - 11 - 1955 ، و لكن من أروع المرات التى غنى فيها الموسيقار الأمير هذه الأغنية كان حفل ساهر أبدع فيه الفنان فريد الأطرش ، هذا الحفل مدته حوالى ساعة بقيادة فرقة النور برئاسة عبد الفتاح منسى بالإشتراك مع فرقة الإذاعة
ليست هناك تعليقات:
إرسال تعليق