الأحلام بالناس تتحقق

آن الأوان أرجع فقير غلبان
انا المواطن زينهم الغلبان
مافيش زعيم انا يا دوب إنسان
لبست تاج السلطنة صدفة
وقطعت رأس الحية برضه صدفة
آن الآوان أرجع فقير كحيان
و مش حاكون ندمان
أنت زعيمنا
واحد منا
ابن شارعنا
عايش بينا
و أنت الفارس
و أنت الحارس
أنت مفكر ثورة مارس
ابنى لنا عمارات و مبانى حقق لنا يا زعيم أحلامنا
لأ لأ تانى حنبدأ
الفارس تمثاله إتشقق
و الفروسية بقت حدوتة و كلام مش ممكن يتصدق
راح نستنى لإمتى الفارس
مش ناقصين من تانى فوارس
الشعب اللى مصيره فى إيده .... هو الفارس
هو الحارس
و الأحلام مش عاوزه فوارس
الأحلام بالناس تتحقق
بلا ناس بلا شعب بلا عباطة
دول عايزين كرباج ببساطة
اوعوا تقولوا اننا باى باى
احنا الناس العالية الهاى
النجدة يا زعيم النجدة
الرحمة يا زعيم الرحمة
العفاريت بتزوم فى مكانها
قل العفاريت حابس حابس
و ابعدهم عن سكة بيتنا

لأ لأ تانى حنبدأ

الفارس تمثاله إتشقق

و الفروسية بقت حدوتة و كلام مش ممكن يتصدق

راح نستنى لإمتى الفارس

مش ناقصين من تانى فوارس

الشعب اللى مصيره فى إيده .... هو الفارس

هو الحارس

و الأحلام مش عاوزه فوارس

الأحلام بالناس تتحقق

مش حاتقدر

إن حاولت إنك تغير صورتك الحلوة فى عينيا ... مش حاتقدر

و إن حاولت إنك بغدرك تقتل الشوق اللى بيا .... مش حاتقدر

و إن بقى فى عمرى زمان

حبك أقوى من الزمان

بالأسى ... بالآه .... أنة الجرح اللى بيا .... مش حاتقدر

مش باعاندك فى الهوى .... كان منايا أعرف خلاص

بس هجرك مش دوى ..... حتى لو عندك خلاص

كل ما فى ايدى أحبك

كل ما فى قلبى أحبك

مش حاتقدر

و إن بقى فى عمرى زمان

حبك أقوى من الزمان

بالأسى ... بالآه .... أنة الجرح اللى بيا .... مش حاتقدر

غناء : روبى

كلمات الشاعر الراحل : عصام عبد الله

ألحان و توزيع : شريف صبرى

من ألبوم مشيت ورا إحساسى

انا عمرى ما استنيت حد

انا عمرى ما استنيت حد
و لا يوم بكيت و ناديت حد
و لا عمرى جريت ورا حد باعنى فى يوم
لو جانى قلبى فى يوم صد
انا ابيع ما استناش رد
ليه أرضى انى فى يوم قلبى يعيش مظلوم
و لا و لا قربتنى دموع
و لا و لا قلبى عاش مخدوع
و لا و لا حد يستاهل جراحى
و لا و لا امشى سكة مالهاش رجوع
انا انا انا
وقتى عمره ما ضاع
و لا و لا
وعدنى حد و باع
انا انا انا
اللى يحلم انه يلاوعنى
انا انا انا
سهل اقول له على طول وداع

غناء : روبى

قولوا لأ للى باع و اللى لسه حايبيع

فاكرين هذه الجملة البديعة اللى ختم بيها الفنان العظيم محمد صبحى مسرحيته " كارمن" التى عالجت موضوع الدكتاتورية و التسلط بمنتهى الحنكة والمهارة كم واحد غيره قعد يهاتى ويطالب بأن تقول الناس لأ يا جماعة قولوا لأ واجركم على الله كل المطلوب من المصريين الآن - بعد ما وصلوه من حالة مزرية - يقولوا لأ.. لأ قوية و حازمة وصريحة يا جماعة دى قولة حق عند سلطان جائر فما بالكم انه مش جائر وظالم بس لأ كمان طاغية ومستبد فرعون حقيقى اقوى واكثر جبروتا من اى فرعون حكم مصر النمروذ وبختنصر ويوسف بن شرحبيل(بتاع اصحاب الاخدود)وجالوت وهتلر وهملر وموسيلينى وستالين تلاميذ عنده فى ابتدائى ده مش مدعاة اننا نخاف بالعكس ده مدعاة اننا نقف فى وجه النظام الغاشم والحاكم المتسلط باصرار اعظم سيقتلنا (مش حاقولكم يعتقلنا ويعذبنا)وماله لما نموت من اجل ولادنا وماله لما نموت من اجل بكره ولكن اؤكد لكم انه عمره ما حيحصل موت مش لاننا عمرنا ما حانقول لأ فانا لسه عندى امل(ولو انه ضعيف) و لكن لان النظام جبان متخفى وراء آلتيه البوليسية والعسكرية واللتان ستتخليان عنه فى سرعة البرق بمجرد ان يروا الشعب واقف وقفة واحدة فى وجه الطاغية تقولوا لأ للى باع واللى لسه حيبيع بتلخص حالتنا و وضعنا البيع فى مصر بقى معنوى و حسى معنويا النظام باع الكرامة و العزة والمكانة معنويا النظام باع دم الشهدا على طول تاريخ الصراع العربى الاسرائيلى معنويا النظام باع الذمة والضمير حسيا النظام بيبيع مصر حتة حتة سبحان الله الدنيا كلها عندها اجندات للتنمية المستدامة واحنا عندنا اجندات لبيع مصر فى المزاد العلنى يا ناس قولوا الله يرضى عليكمانتو ماسمعتوش منير وهو بيصرخ فى حدوتة مصرية (مين اللى بيبيع الضمير ويشترى بيه الدمار)وصرخ وقال برضه (مين اللى ما يعرفش غير كلمة نعم) ده احنا وصلنا لمرحلة ما بعد نعم مرحلة الصمت المطبق ضرب واهانة وذل وبلطجة وتحرش واغتصاب وما فيش حد بيتكلم بطالة وفقر وغلا فى كل الاسعار ماعدا اسعار البنى آدميين هى بس اللى بترخص وما فيش حد بيتكلم تعليم زى الزفت وصحة فى النازل وما فيش حد بيتكلم كل الرموز بتنضرب قضاة وعلماء واجلاء وما فيش حد بيتكلم ايه اللى ممكن بعد كده يخلى الناس تتكلم يا ناس قولوا لأ ولو لمرة واحدة فى حياتكم لأن اللى باعكوا بالرخيص لسه حيبيع ولادكو بالارخص و لسه حيبيع حاجات تانية كتير

و للأوطان معتقل

جريمتنا هُويتنا وفينا الجرح يرتحلُ
ولا ندري لنا رشدا وقد ضاقت بنا السبلُ
يطارد ظلنا الداء وتجثم فوقنا العلل
جريمتنا لنا حلم علي الطرقات منسحِلُ
لنا حق بأن نحيا ونور الحق معتقلُ
ومحتلون في دمنا علي أشلائنا احتفلوا
علي أجفاننا ناموا وتحت جلودنا انسلوا
مع أشباحهم عبروا حدود الروح فاحتلوا
وســــفاح يطاردنـــا يقيـــم الحد يستل
يصادر لون بشرتنا يحاصر دمع من صلوا
مطالبنا لنا حلم ... لنا أرض... لنا أمل
نريد لحلمنا وطنا ، فهل أحلامنا خلل
هنا في ساحة الأقصي لنا خل لنا أهل
لنا صلوات أضلعنا وأدمعنا لها ظل
لنا زيتونة تبكي يعانق جرحَها الطللُ
وساقية ودالية ... لنا موالنا ... الليل
ووجه نخيلنا الدامي يقبل نزف من قتلوا
لنا ثقب من الجرح ترشف نبضَه الرملُ
ومنديل من الحزن علي أكتاف من صلوا
وأم ملء عينيها تصاوير لمن رحلوا
لنا مهد من القلق وزاوية لها مقل
وأعمدة من الصمت وطفل عزمه جبل
تفاصيل ستذكرنا إلي أن ينتهي الأجل
تراب القدس قدسي سيشهد أننا الأهل
زرعنا أرضنا صبرا ففاض الصبر والكيل
لنا خمسون نأتكل علي عصف وهم أكلوا
وفينا الليل يستشري فكيف سيهتدي الأمل
وبعض أمورنا خبل وكل أمورنا هزل
مصيبتنا مقاليد إلي الغلمان تنتقل
عمادُ رشادِهم حيل ووجه عروشهم دجل
مشينا خلفهم دهرا وقلنا علنا نصل
علي أكتافنا مالت هوادجهم ولم يصلوا
وشاب غرابُ طالعهم ومازلنا وما وصلوا
وجعجعة بلا طحن وأقوال ولا فعل
وأخماس وأسداس وما عزموا وما ارتحلوا
أساءوا الرعي فاستسقوا وما ضاقت بهم حيل
إذا ما استشعروا شررا أصاب ثيابهم بللُ
وأحكام مغربلة وأدمغة ولا عقل
فهل للحق أبواقٌ وهل يجدي لنا قول
وهل ولّي أبو جهل لنصبحَ كلنا جهل
دماء صغارنا اعتصرت وفي التلفاز نحتفل
عظامهم هنا طُحنت بجرم ماله مثلُ
وأعين فجرنا اقتلعت وقَرَّ الآثمُ الندلُ
فكان الحكم بالنفي لمن بقيت له مُقـلُ
وأسلحة مجنزرة ومجزرة ومختلُ
ومنذهلٌ ... ومحتشدٌ ... ومنبطحٌ ... ومحتفلُ
وأضلاع لنا فرت بوجه بارد ولوا
قلوبهم هنا معنا سلاحهم لمن قتََلوا
وبعض الخلق أتباع وأعداء بما جهلوا
وكل الناس أعوان لمن فجروا وما خجِلوا
فأين نلوذ مولانا وما المطلوب؟ ما الحلُّ؟
ندير ظهورنا خزيا نقبل نعْل من ركلوا
نقدم لحمنا هدْيا نبارك هضم ما أكلوا
ونرشف سمهم طوعا علي الترياق نتكل
ونملأ صدرَنا صمتا إلي أن ينطق الجملُ
يمين الله لاذلٌ ولا خوفٌ ولا وجلُ
إذا لم يستقم عود فلا عود ولا ظلُ
ولا رأي لمن يعصي ولا حكمٌ لمن زلوا
فمن لا يركب الأهوال لا يصبو له أملُ
ومن لا سيف يحميه سيسحق ظلَّه الذلُ
ومن تسبي له أرضٌ وأعراضٌ ويحتملُ
فبسم الله نرفعها علي من ليس يمتثلُ
وبسم الله نطلقها محررة ونتكلُ
فلا سلمٌ ولا عهدٌ ولا رقصٌ ولا حجلُ
سنشعل حولهم نارا ونفعل مثلما فعلوا
أدمع عيونهم خمرٌ ودمع عيوننا خلُ
أملءُ عروقنا ماءٌ وملء عروقهم عسلُ
وهل أطفالنا جيفٌ وهل أطفالهم رسلُ
نريد العدل في زمن أصاب ضميرَه الشلل
فأين ُصلبت يا عدلُ؟ وأين نُفيت يا خجل
معاهدة مفخخة ويشرب نخبَها الكل
مؤامرة مدبرة وأحكم غلقَها الفذل
وأول غيثها ديفي وشر ختامها أوسلو
ومأساةٌ وملهاةٌ وأذنابٌ لها ذيل
وهذا محور الشر وذا أفعي وذا حملُ
وأدوار موزعة علي الأصنام والحفلُ
سننقله مباشرة علي الأشهاد فاتصلوا
هنا زنزانة العصر وخط القهر متصلُ
هواتفكم مراقبةٌ جوائزنا لمن يصلُ
لأوصافٍ لهاجرحٌ ومقبرةٍ بها بطلُ

أشعار : إيمان بكرى

نقلا ً عن مجلة اتحاد كتاب مصر - العدد العاشر

يـــوم مــيــلاد حــــواديـــــت

العام الأول لمدونة حواديت .... فى مثل هذا اليوم وُلدت حواديت ولدت لتعبر عن جزء صغير مما فى جعبتى و تركت مرغما ً أجزاء أخرى كانت أحق بالكتابة عنها من أهمها الشأن السياسى الذى كان يحتل كل مساحة مدونتى القديمة التى كنت أكتب فيها بإسم مستعارو دمرتها رغماً عنى فانا للأسف مازالت لا أملك الشجاعة للتعبير عن كل توجهاتى و آرائى السياسية .... و لكنى عندى شعور قوى أنها ستنطلق يوما ً
ما من قرارها لعنان السماء بغير حاجز و لا مانع و حتى ذلك الحين سأكتفى بأن تعتبروا حواديت مدونة فنية أدبية بالأساس ، مازالت حتى الآن - رغم مرور عام كامل على إنشاءها - تحبو فى عالم التدوين
انا أشعر بالسعادة لمرور اول الأعوام فى عمر مدونتى الوليدة و هذا الشعور بالسعادة يكفينى فى الوقت الحاضر رغم كل ما واجهته فى هذا العام من إحباطات على الأصعدة الشخصية و المحلية و القومية خاصة إحباطاتى الشخصية التى آذتنى كثيرا و أعاقتنى أكثر عن التقدم .
و بإعتبار أن أعمالى هى أبنائى و ( حواديت ) هى أكبر الأبناء أقول لها بمنتهى الفرح : " كل سنة و أنت ِ طيبة يا حواديت "                                                                       مـحـمـد يـاسـر بـكـر

خارج على القانون ..... إختلال الموازين قبل إختلال الرؤى

 خارج على القانون الفيلم الرابـع للمخرج أحمد جلال و الفيلم الثامن للنجم الشاب كريم عبد العزيز - من حيث البطولة المطلقة - ، فيلم مصرى حيث باتت الأفلام المصرية نادرة وسط زخم الأفلام ذات الصبغة الغربية و أعنى بفيلم مصرى ليس الجنسية فقط و إنما مصرية القصة و مصرية أماكن التصوير و مصرية الشخصيات حتى مصرية الإمكانيات و الأدوات .
و هذا النوع من الأفلام هو الأجدر بالمناقشة ، فلقد أعاد الثلاثى ( جلال مخرجا ً و بلال كاتبا ً و كريمم مثلا ً ) مكانة السينما المصرية التى إفتقدناها لعدة سنوات لا تتجاوز أصابع اليد الواحدة و هذا الفيلم هو فيلمهم الرابع معا ً بنجاح غير مسبوق حتى بات كريم عبد العزيز و صديقه الكاتب بلال فضل وجهان لعملة واحدة فبطل كل قصص بلال [ ابن ناس ] و [ ابن بلد ] و [شهم ] و [ جدع ] و [ دمه خفيف ] حتى لو كان [ صايع ] او [ مجرم ] كما فى فيلمهم الأخير و الإثنان معا ً لا يقدمان إلا الجيد و الجاد فكريم قبل بلال كان لا يذكر و بلال أعماله التى لا يظهر بها كريم هى من أفشل الأعمال السينمائية فلا نكاد نصدق أن الكاتب الذى ألف أرقى أفلام الكوميديا مثل ( أبو على ) و ( فى محطة مصر ) و أهم الأفلام الإجتماعية فى العشر سنوات الأخيرة ( واحد من الناس ) هو نفسه من ألف أعمال بمثل إبتذال ( حاحا و تفاحة ) و ( سيد العاطفى ) و ( على سبايسى ) .
الإخراج :- لأحمد جلال المخرج الشاب الواعد المنتمى لمدرسة أبيه - المخرج الكبير نادر جلال - الإخراجية مع سمات شخصية تنمو يوما ً بعد الآخر ، لم يوفق أحمد فى هذا الفيلم كسابق أفلامه من حيث :-
- إخراج بعض اللقطات كبيرة بينما الأنسب لها أن تكون بعيدة و العكس كانت هناك لقطات بعيدة كان الأنسب لها أن تكون قريبة .
- إختلف هذا الفيلم عن سابق أفلام جلال لتخليه عن أهم سمات جلال ، أحمد جلال مخرج محترف وليس مخرج إسما ً فقط ككثير من أبناء جيله لذلك هو متمكن كقائد و موجه لطاقم العمل و الممثلين و لا أحد يستطيع أن يتدخل فى أسلوب إخراجه و إدارته السينمائية شأنه شأن أى مخرج محترف و لأن كريم ممثل محترف ابن مخرج كبير كان يطيعه فى كل شئ حتى فى الأمر الذى كان يجعله مختلفا ً عن ممثلين جيله ألا و هو عدم إنفراد البطل بمعظم مشاهد الفيلم و مشاركة كثير من الممثلين الكبار - الذين لم نرهم لسنوات - فى أفلامه و لن ننسى ابدا ً أن جلال هو من أعاد محمود الجندى إلى السينما بكامل ثقله و قوته فى دور لم يؤده محمود منذ دوره فى ( اللعب مع الكبار ) ، بينما فى ( خارج على القانون ) نجد كريم عبد العزيز قد ظهر بصورة مكثفة جدا ً فى الفيلم حتى أنه ظهر وحيدا ً على إعلانات الفيلم وحده لأول مرة كما لم تشاركه البطولة ممثلة لها ثقلها كما هى العادة فى كل أفلامه و تم تهميش الدور الأنثوى فى الفيلم و هذا تغيير كبير فى رؤية أحمد الإخراجية او بمعنى أدق إختلال رؤيته .
- كما أن إختيار جلال للفنان الكبير ( حسن حسنى ) للقيام بدور ( السويسى ) لم يكن موفقا ً لأننا كنا نرجو أن يستطيع جلال بأسلوبه الإخراجى المميز أن يقدم ( حسن حسنى ) بصورة جديدة او يخرج منه ما لم يخرجه أحد قبله و لكن للأسف طغى أسلوب حسن و قدم الشخصية الشريرة بطريقته هو و التى سبق أن قدمها فى كثير من الأعمال مثل ( خالى من الكوليسترول ).
- كما لم يستطيع جلال أن يجعل كريم يقوم بالشخصية كما ينبغى فلم نرى الشخصية محددة العالم فلقد كان من المفترض أن نرى شخصية شريرة مجرمة نتعاطف معها لظروفها و نشأتها ... إلخ و لكن الشخصية التى قدمها تشعر معها و كأنها تقوم بوظيفة روتينية مملة لا حياة فيها و كان أداؤه باهتا ً .
- لم يهتم جلال إطلاقا ً بمايا نصرى و كأنه تركها دون توجيه تمثل بالطريقة التى تحلو لها .
اما النقاط الإخراجية التى أتقنها جلال و تفوق فيها - رغم قلتها - فهى :-
- دور ( محمود الجندى ) الصغير و المؤثر للغاية فى أحداث الفيلم حتى آخر مشهد فلقد كان مشهد قتال الأب المجرم مع الشرطة من أتقن و أفضل مشاهد الفيلم إخراجيا ً ... الإضاءة مناسبة و اللقطات و الديكور و أداء ( الجندى ) المذهل كعادته .
- الإدارة الممتازة للفنان أحمد عبد الغنى ... الممثل الذى مارس العبث السينمائى كثيرا ً مع قليل من الأدوار الجيدة و تقنين السينما له فى دور الشرير او مكدر صفو العاشقين و المحبين ، لمع أحمد فى ( خارج على القانون ) على يد جلال و لقد شهد هذا الموسم تفوق آخر له على يد خالد يوسف فى ( حين ميسرة ) و لكنه جذب الإنتباه أكثر فى ( خارج على القانون ) عن ( حين ميسرة ) لكبر حجم الدور و إتساع مساحته ، أخرج جلال كل طاقات أحمد عبد الغنى فى ذلك الدور - دور ضابط الشرطة - ليقدمه بإقتدار لم يسبقه فيه - فى السنوات الخمس الأخيرة - سوى ( خالد صالح ) فى ( تيتو ) ، و من الطرائف السينمائية التى قد تتحول لمشاكل أن حجم الدور فى القصة و مهارة جلال صنع من ( أحمد عبد الغنى ) نجم نافس البطل فى فيلمه كما سبق و حدث مع شريف عرفة فى ( مافيا ) حينما صنع ( مصطفى شعبان ) حتى أنه أشيع أنه سرق الأضواء من النجم ( أحمد السقا ) و لقد كذب ( السقا ) هذه الإشاعة فعلا ً لا قولا ً بإشراك ( عمرو واكد ) معه فى ( تيتو ) و بطولتان جماعيتان فى ( حرب أطاليا ) و ( عن العشق و الهوى ) .
- مشاهد المطاردات و الحركة فى الفيلم كانت تفوق الممتاز فهذا هو المجال الذى لا يبزه فيه سوى طارق العريان او شريف عرفة .
القصة و السيناريو و الحوار :- للكاتب المتميز بلال فضل الذى حير الجمهور قبل النقاد بإزدواج شخصيته فى الكتابة و هذا هو السبب فى اننا لا نستطيع الحكم على قصة ( خارج على القانون ) بأنها جيدة و حسب او سيئة و حسب ؛ لماذا ؟ لأنها ليست قصة فاشلة و فيلم ساقط نحتقره و لا يستحق حتى أن نكتب عنه كبعض أفلامه السابقة و لا هو بالفيلم المكتوب بعناية فائقة كـ ( واحد من الناس ) فلا نملك سوى أن نمدحه طوال الوقت و نـثـنى عليه .
إنما ( خارج على القانون ) هو فيلم يحمل وجهة نظر واضحة تستحق أن نقف طويلا ًأمامها و نقول لبلال :- إن وجهة نظرك مشوشة مهتزة إن لم تكن خاطئة ترى السراب و تحسبه حقيقة .
الثلث الأول من القصة ممتاز و حبكته الدرامية عالية .... و واقعى لخصه بلال فى براعة بجملة ( فى بلدنا دى ابن الدكتور بيطلع دكتور و ابن المهندس بيطلع مهندس و ابن تاجر المخدرات بيطلع تاجر مخدرات )
باقى الفيلم هو ما يستحق التوقف طويلاً أمامه ، واضح جدا ً أن بلال من تأثره بالفساد المستشرى فى مؤسسة الشرطة أصبح يرى كل الشرطيين و رجال الأمن مخطئين ، أنذال ، خونة ، إن لم يكونوا أعداء وعلى هذا رسم بلال شخصية ضابط شرطة يبيح لنفسه فعل اى شئ للإيقاع بتاجر المخدرات فيكون مصيره فى النهاية هو أن يلقى مصرعه على يد هذا التاجر !
قمة الإجحاف و الظلم من بلال فضل .
اولاًانا لا أنكر و أرفض تمام الرفض ما ترتكبه مؤسسة الشرطة من تعذيب للمواطنين و إهدار لحقوقهم و تقصير واضح فى توفير الأمن للمجتمع و مكافحة الجريمة و لكن هذا لا يعنى أن مؤسسة الشرطة أضحت منظمة جاسوسية او سفينة قراصنة فمازالت هذه المؤسسة تحمل فى طياتها كثير من الشرفاء يقومون بواجبهم على أكمل وجه بل و لن أكون مبالغا ًإذ ما قلت يموتون فى سبيل القيام بهذا الواجب و هناك الكثير من الشواهد التى تؤكد كلامى هذا ، و هناك فريق من رجال الشرطة يقف بين هين الفريقين هدفهم نبيل و لكن غايتهم فى بلوغ هذا الهدف قذرة و هى استراتيجية مرفوضة كل الرفض للشرطة المصرية يدعم إستمرار هذه الإستراتيجية إستمرار حالة الطوارئ فى البلاد و هو ما عبر عنه بلال فى الحوار بين الضابط عندما أقتحم شقة ( عمر ) فطلب منه الأخير إذن النيابة فأخبره الضابط ساخرا ً أن مثل هذه الأمور لم تعد سارية و برغم أنه ضابط مكافحة مخدرات إلا أنه جاء زاعما ً وجود أعمال منافية للآداب فيجيب مرة ثانية فى سخرية أن المخدرات أصبحت وثيقة الصلة بالآداب فيرد ( عمر ) بمنتهى الحزم : - إذا كنت جاى عشان المخدرات فمش هتلاقى إلا إذا كنت جايبها معاك و ناوى تحطها لى ، اما بقى الأعمال المنافية للآداب فالست دى مراتى .
فشخصية الضابط فى فيلم بلال هى من النوع الأخير ، ضابط شرطة متأكد تمام التأكد أن ذلك المواطن تاجر مخدرات و لكنه لا يملك اى دليل إدانة ضده و كلنا نعرف الفرق بين القانون و العدالة ، كثير من ضباط الشرطة ( كما بين بلال فضل ) يسعون إلى إلصاق تهمة ما بالمجرم أو يضيقون الخناق عليه حتى يسقط او يوقعوا به و هذا قمة الخطأ الذى يرتكبه الشرطى لأنه ليس من المفروض أن يتحول الشرطى إلى مجرم يخرق القانون ليوقع بمجرم ما و إنما عليه أن يجتهد فى الحصول و لو على دليل إدانة واحد للإيقاع بذلك المجرم ... ولكنها سياسة الإستسهال .
هذا هو الواقع نقله بلال بأمانة و وصلت رسالته إلى المشاهد و لكن هل من المعقول أن يكون مصير مثل هذا الشرطى الشريف و لكنه أحمق يتبع مبدأ الغاية تبرر الوسيلة هو أن يلقى مصرعه على يد تاجر المخدرات المجرم .
و يريد بلال أن نتعاطف مع تاجر المخدرات المجرم القاتل ، كيف هذا ؟ و إن لم يكن هذا التعاطف هو ما يريد بلال أن يوصله للمشاهدين إذن فلقد فشل بلال فى توصيل ما يريد لأن كل المشاهدين وصلت إليهم رسالة التعاطف تلك و إن لم يستجيبوا لها كلهم فتعاطفوا مع المجرم على حساب الشرطى المسكين الذى ترملت زوجته و يُـتم أبناءه .
و إن كان بلال يريد أن يوصل أن المجرم و الشرطى كلاهما ضحية فهو ايضا ًلم ينجح فى ذلك.
لقد هاجم كثير من النقاد الفيلم قائلين أن صناعه أعجبتهم لعبة مناهضة الحكومة كما فى ( واحد من الناس ) و أرادوا تكرار نجاحها و إستثمارها مرة أخرى ففشلوا .
لقد أختلت موازين بلال فضل الإجتماعية و العدلية فى هذا الفيلم قبل أن تختل رؤيته للأحداث الجارية و الأوضاع الحالية فى مصر كما
أختلت رؤية أحمد جلال الإخراجية ، و إن كان إختلال الموازين قد سبق إختلال الرؤى فى فيلم ( خارج على القانون )

مــحــمــد يـــاســـر بــــﮑـــر

قولوا لأ للى باع و اللى لسة حايبيع

فاكرين هذه الجملة البديعة اللى ختم بيها الفنان العظيم محمد صبحى مسرحيته" كارمن"التى عالجت موضوع الدكتاتورية و التسلط بمنتهى الحنكة والمهارة كم واحد غيره قعد يهاتى ويطالب بأن تقول الناس لأ يا جماعة قولوا لأ واجركم على الله كل المطلوب من المصريين الآن-بعد ما وصلوه من حالة مزرية-يقولوا لأ.. لأقوية و حازمة وصريحة يا جماعة دى قولة حق عند سلطان جائر فما بالكم انه مش جائر وظالم بس لأكمان طاغية ومستبد فرعون حقيقى اقوى واكثر جبروتا من اى فرعون حكم مصر النمروذ وبختنصر ويوسف بن شرحبيل(بتاع اصحاب الاخدود)وجالوت وهتلر وهملر وموسيلينى وستالين تلاميذ عنده فى ابتدائى ده مش مدعاة اننا نخاف بالعكس ده مدعاة اننا نقف فى وجه النظام الغاشم والحاكم المتسلط باصرار اعظم سيقتلنا (مش حاقولكم يعتقلنا ويعذبنا)وماله لما نموت من اجل ولادنا وماله لما نموت من اجل بكره ولكن اؤكد لكم انه عمره ما حيحصل موت مش لاننا عمرنا ما حانقول لأ فانا لسه عندى امل(ولو انه ضعيف)ولكن لان النظام جبان متخفى وراء آلتيه البوليسية والعسكرية واللتان ستتخليان عنه فى سرعة البرق بمجرد ان يروا الشعب واقف وقفة واحدة فى وجه الطاغوت
قولوا لأ للى باع واللى لسه حيبيع بتلخص حالتنا و وضعنا البيع فى مصر بقى معنوى و حسى معنويا النظام باع الكرامة و العزة والمكانة معنويا النظام باع دم الشهدا على طول تاريخ الصراع العربى الاسرائيلى معنويا النظام باع الذمة والضمير حسيا النظام بيبيع مصر حتة حتة سبحان الله الدنيا كلها عندها اجندات للتنمية المستدامة واحنا عندنا اجندات لبيع مصر فى المزاد العلنى يا ناس قولوا الله يرضى عليكم
انتو ماسمعتوش منير وهو بيصرخ فى حدوتة مصرية(مين اللى بيبيع الضمير ويشترى بيه الدمار)وصرخ وقال برضه(مين اللى ما يعرفش غير كلمة نعم)ده احنا وصلنا لمرحلة ما بعد نعم مرحلة الصمت المطبق ضرب واهانة وذل وبلطجة وتحرش واغتصاب وما فيش حد بيتكلم بطالة وفقر وغلا فى كل الاسعار ماعدا اسعار البنى آدميين هى بس اللى بترخص وما فيش حد بيتكلم تعليم زى الزفت وصحة فى النازل وما فيش حد بيتكلم كل الرموز بتنضرب قضاة وعلماء واجلاء وما فيش حد بيتكلم ايه اللى ممكن بعد كده يخلى الناس تتكلم يا ناس قولوا لأ ولو لمرة واحدة فى حياتكم لأن اللى باعكوا بالرخيص لسه حيبيع ولادكو بالارخص و لسه حيبيع حاجات تانية كتير

نقلا ً عن مدونتى القديمة " الفرسان " ديسمبر 2006

قال ايه مهندس زراعى

قولنا حانبنى و ادينا بنينا السد العالى و عايزينها تبقى خضرا الارض اللى فى الصحرا وفدادين خمسة خمس فدادين لاجار ولا دين و القمح الليلة ليلة عيده يا رب تبارك و تزيده وسر الارض ويا بسمهندز يا بسمهندز الدودة وكلت الدرة وكل!المهندس الزراعى من المهن التى تنحدر بل و تنقرض بزيادة تزفت حال مصر فقديما جدا القرى كانت تحتوى على اربع مدنيين هم الكل فى الكل هم الطبيب و المعلم ومهندس الرى والمهندس الزراعى بالاضافة الى عناصر الشرطة بعد ذلك العصر لم يتبق للزراعيين سوى اراضى الاستصلاح التى توزع عليهم و هو العصر العبقرى الذى الذى كانت توزع فيه الاراضى على كل الخريجيين بلا استثناءات وبعديه عصر التطبيع الزراعى مع اسرائيل الذى بغلطة عمر السادات عندما اعطاهم بذور جيزة70اجود انواع القطن فى العالم و اطول تيلة واصبح هناك فى بورصة القطن العالمية جيزة 70 ازرائيلين زى ما فيه جيزة 70ايجبشن وطبعا الغربى حيفضل الازرائيلين لأن العرب جرب ثم بتتويج فرعون عرش مصر ولى عزيز مصر على خزائن الارض يوسف باشا والى اللى ساعد اسرائيل و فداها بالروح وبالدم فاستورد منها الخبراء و نظم الرى الحديثة و اصناف الخوخ و الكانتالوب وبالمرة نخلى سيناء كلها قنب هندى وخشخاش يعنى احنا بنزرع منذ فجر التاريخ و دلوقت جايبيين اللى يزرع لنا لأ ومين اسرائيل يعنى جينا جنب ... القرد وبنشم!و بقى كل امل المهندس الزراعى انه يسافر اسرائيل ما تقولش حيسافر اوروبا ولا استراليا يا خويا يلعن ابو دى شغلانة اللى تخلينى اتعامل مع عدوى الى ان جاء ازهى عصور المهلبية والانطلاقة الثانية اللى فشخت الشعب المصرى و داست عليه وده عصر لم نعد نزرع فيه اصلا فكثرت علينا دعاوى عدم زراعة القصب خالص تحت مزعم انه عناصر مطلوبة امنيا-جامدة الجملة الاخيرة دى-لأنكم زى ما انتم عارفين البلد ماشية بنظام صباعى اللى بيوجعنى اقطعه( بدل ما اعالجه)لذلك عنما فشلنا فى الاقتصاد لغينا وزارة الاقتصاد, وكمان بيطالبوا بتقليل زراعة الارز اهم صادراتنا الزراعية واللى مش باقيلنا غيره بعد ما اوروبا زهقت من وش اهلنا ز مش عاوزه مننا اى بطاطس وكمان نستورد القمح و رجل شريف محترم زى م.ز/احمد الليثى طردوه شر طردة لانه وصل بالاكتفاء الذاتى من القمح 60%وقال ادونى كمان سنة او اتنين بالكتير و اوصل بالاكتفاء 100%ورفض التعاون مع مجلس القمح الامريكى فقالوا له بررررررره!وجابوا بداله بلوتين من بلاوى الزمن واحد اسمه امين اباظة(عار على الاباظية كلهم)و التانى اسمه على المصيلحى الاولانى مسكوه وزير زراعة رغم انه مش زراعى فقط عضو فى مجلس ادارة شركة النيل للاقطان و رئيس مصدرى الاقطان و التانى وزير حاجة مايعة كده اسمها التضامن الاجتماعى ضربوا فيها فى الخلاط التموين والشؤون الاجتماعية و العلاقة وثيقة طبعا !آخر مصائب الاولانى سرقة القطن من فلاحى البحيرة الغلابة دون ان يدفع ثمنه (عن طريق شركة النيل)والتانى من كتر مصايبه مش عارف اعدها و مش ملاحقها بس منها الغاء توريد الذرة للوزارة ثم الغاء توريد القمح-بالمرة-طب نزرع ايه يا جماعة يقولك ازرع نباتات زينة و نباتات طبية و عطرية آآآآآآآآآآآآه يعنى يا باشا نقضيها ياسمين و فل نسرح بيهم فى اشارات المرور وكركديه و شطة و شيح وتبقى البلد كلها عطارين و بالمرة ننفذ مشروع عود بخور و رقوة لكل مواطن!

نقلا ً عن مدونتى القديمة الفرسان ديسمبر 2006

ما القضية ؟

يا حكيم القوم قل لى ما القضية

هل أصاب بالقوم سهم أم بلية

كيف صار العرش فينا و الرعية

كلنا قد صار عبدا ً أو مطيه

-----------------------------

يا حكيم القوم قل لى هل خدعنا

يا حكيم القوم قل لى كيف ضعنا

كيف صار الصبر قهرا ً؟ كم أطعنا

كيف ضاع الحق فينا

و الحمية ؟

------------------------------

عرضنا أضحى مباحاً

صوتنا أمسى نباحاً

أرضنا ... مجدنا ... كلنا

قد لاذ خوفاً

و البقية

يا حكيم القوم قل لى ما القضية ؟

يا حكيم القوم قل لى كيف كنا

يا حكيم القوم قل كيف صرنا

رمزنا قد غاب عنا

و المعانى و الأمانى

غاليا ً قد ضاع منا

و المعية

يا حكيم القوم قل لى ما القضية؟

-------------------------------

يا حكيم القوم قل لى كيف صالوا

يا حكيم القوم قل لى كيف جالوا

كيف طال السيف منا نحرنا

كيف نال السهم منا قدسنا

كيف غالوا و احتملنا

كيف مالوا و انكسرنا

كيف بالوا فوق أجداث أبيه

يا حكيم القوم قل لى ما القضية ؟

-------------------------------

يا حكيم القوم قل لى .... هل فتنا

يا حكيم القوم قل لى .... هل جننا

كيف صار الأخ فخاً

كيف صار الذل فجراً

كيف شاع الحمق فينا و الدنية

يا حكيم القوم قل لى ما القضية ؟

---------------------------------

يا حكيم القوم قل لى من تراهم

يا حكيم القوم آه من خطاهم

قد أباحوا و استباحوا

كيف غالوا الشمس و استلبوا البرية

يا حكيم القوم قل ما القضية ؟

----------------------------------

يا حكيم القوم قل لى من ترانا

يا حكيم القوم قل لى ما دهانا

قد شربنا الكأس مراً و الثمالة

هل سئمنا الرشد حبا ً فى الضلالة

هل قنعنا بالمهانة و الزرية

يا حكيم القوم قل ما القضية ؟

شعر فاروق سالم

نقلا ً عن مجلة ضاد ( الصادرة عن إتحاد كتاب مصر ) العدد السادس أبريل 2007

الحقيقة

إتولدت بحب الحقيقة
و عشت بيها
و إتعلمت إنها مش ورا كل الوشوش البريئة
الكدب بس هو اللى بيبقى ماليها
و إتعودت ما قلش غيرها
بس للأسف ما تعودتش أحارب عشانها
مش لأن حاشيتى رقيقة
أو لأنى ما عرفش السكك الجريئة
يمكن لأن الخوف عرف يوصل لقلبى بأكتر من طريقة
أو لإن أصلى واحد من أطيب الخليقة
بس السبب الأساسى
إصرارى على إنى أبقى إنسان
و بلدى نظامه بالجزمة
اول ما يشوف اى لمة
او يعرف أنه فى حد فى سبيله لكشف الغـُمة
أو حد ينور الضلمة
العتمة
او حتى يحاول بالكلمة
يمكن تتغير على إيده الأمة
لكن هيهات النظام واقف له على الإمَـة
ناوى يضرب و يطحن بكل همة
بقى بالذمة
دى تبقى عيشة مهمة
بس ماتنازلتش عنها
الحقيقة
علشان كده مالقيتش غيره
أمشى فى ديله
الصبر
مشيت كتير ؟
سنين
لحد ما هو اللى زهق
و قال لى إصحى بقى البلد غريقة
و رحل عنى
جريت وراه و إترجيته يستنى و لو دقيقة
رفض و سابنى
وحدانى
بس انا اللى أستاهل لإنى من الأول ... أنانى


مــحــمــد يــاســر بــكــر

نظام الحلاقين !!!!!!!

تسمحوا لى أكتب بالعامية لأول مرة فى المدونة و تسمحوا لى أسوق فيها و نصبح على كل الحلاقين يعنى الناس اللى مابتتعاملش إلا بالأمواس و المقصات مرة و اتنين و تلاتة و طول ما الفرح شغال !!!!!!!!!
بالصلاة على النبى أصل الموضوع اللى حاكلم فيه ( ذو نزعة حلاقية ) !!!!!!
طبعا ما حدش فاهم حاجة خالص ، أنا ناويت أتكلم عن أسلوب عمل الإدارة المصرية و لقيت أن العلاقة ما بين الإدارة المصرية و الحلاقين علاقة متينة جدا !!!!!!
ما تفهمش بقى الناس فى الإدارة المصرية و الحزن الحاكم كان أصلهم حلاقين و لا إيه و لا يمكن مهنة أهاليهم و هما متأثرين بيهم ... والواد طالع لأبوه !!!!!!!
النظرية الأولى : درج لى القفى و طول لى القطتات !!!!!!
طبعا ً انتوا عارفين من زمان أن الإصلاح فى مصر تاتا خطى العتبة و إلا بخخخ ... و يجيلنا هارد اتاك ! و انتوا عارفين اد ايه النظام بيخاف علينا و قلبه علينا قويييييييى و لذلك يجب أن ندرج القفى ! قصدى الإصلاح مرحلة مرحلة و ياريت نطول القطتات قصدى مراحل الإصلاح يعنى عشرية عشرينية و ياريت ياريت تكون خمسينية تبقى فل قوى مش جمال مبارك كان بيكلم عن مصر 2050 ربنا يديلوه طولة العمر !
النظرية الثانية : الكل عند الحلاق بيطاطى !!!!!!
دى شعار المرحلة الحالية و القادمة بإذن الله فيه حقوق مواطنة يا جماعة الكل يضرب بالجزمة دكتور .. مهندس .. صحفى .. محامى .. قاضى .. طالب .. عامل .. صايع الكل يطاطى ما فيش فى كده كلام و بعدين ما تنسوش لما محمد صبحى سأل فى الكرنك سؤاله الهوميرى الشهير ( انا عاوز أعرف إيه اللى بيحصل فى البلد بالضبط ) كان الجواب كف عباسى على قفاه و جملة ( هى كانت بلد ابوك ) طبعا ً هى مش بلدنا و بلدنا يعنى أنت قصدك إيه يعنى مصر بقت بلدين و احدة بتاعة شعار بلدنا بتتقدم بينا و دى بتاعتهم بدون ذكر أسماء أقولها و انا باتف فى عبى و أقول حابس حابس بسم الله الرحمن الرحيم ربنا يجعل كلامنا خفيف عليهم ! و دى زى ما قال خالد توفيق من وجهة نظرهم يوتوبيا و من وجهة نظرنا مستعمرة اللصوص ، احنا مين ؟ احنا اللى سمانا بلال فضل سكان مصر الأصليون اللى بندعى ربنا كل يوم ما نبقاش هنود حمر تتم ابادتنا فبعد أن فشلت الجهود المستميتة فى القضاء علينا بالعبارات و القطارات و الحرائق و كافة الكوارث الطبيعية اختاروا لنا طريقة ابادة ابطأ و أفظع ... الموت جوعا ً
النظرية الثالثة : الراس بعشرة جنيه !!!!!!!!
فى الصالونات الكبيرة حجما ً و ليس مقاما ً نلاقى حوالى 6 او 7 كراسى و كاشير يحاسب بالراس عالطول من أصغر طفل إلى أكبر شيخ زمان كانت الراس بخمسة دلوقت بعشرة !
الإدارة المصرية بتتعامل بنفس الطريقة الراس ليها تمن زى ماقال كده عمرو أديب ايام العبارة تمنه كام يعنى خلصنى ؟النظرية الرابعة : الحلاق بيضحك على الأقرع بطقطقة المقص !!!!!!!!!

محمد ياسر بكر

دايرة الرحلة

غناء :- أحمد منيب
كلمات :- ياسر أبو النصر
ألحان :- أحمد منيب

إتكلمى

و ليه تسكتى زمن ..... إتكلمى
ليه تدفعى وحدك التمن ..... إتكلمى
و تنامى ليه تحت الليالى ..... إتكلمى
المشربية عيونك بتحكى عاللى خانوكى
و اللى سنين هاملوكى
جوة الببان سلسلوكى
و ليه تسكتى زمن ..... إتكلمى
ليه تدفعى وحدك التمن ..... إتكلمى
و تنامى ليه تحت الليالى ..... إتكلمى
المشربية عيونك بتحكى على خلق ولت
سهرت
صلت
و علت
فى الصخر شقت ما كلت
انا ابن كل اللى صانك رمسيس و أحمس و مينا
كل اللى زرعوا فى وادينا
حكمة تضلل علينا
و ليه تسكتى زمن ..... .إتكلمى
ليه تدفعى وحدك التمن ..... إتكلمى
و تنامى ليه تحت الليالى ..... إتكلمى


غناء : - محمد منير

شريط أخبار

وسط روائح الفساد التى ملأت البلاد و أزكمت الأنوف حتى أذهبت حاسة الشم نفسها و امام نظام شديد الغشم و الغباء يطيح بكل من لا يعجبه و امام تيار شديد العنف من المؤامرات - الفكرية و السياسية و الأخلاقية و الإجتماعية و المجتمعية و العقائدية - من الداخل قبل الخارج تخيلت أنى أفتح التلفزيون لأشاهد قناة حكومية مصرية و أرى فيها شريط الأخبار هذا و الذى يمثل جزء مما أحلم به لمستقبل بلدى الحبيب مصر و الذى تعلمت منذ نعومة أظفارى أن أحبه على يد أستاذ جليل بعيدا عن الشعارات و الأغانى الكاذبة و شريط الأخبار هذا ظهوره من الأساس على قناة حكومية يمثل قمة الحرية التى أتمناها لبلدى مصر



محكمة شمال القاهرة تقضى ببراءة السيد الرئيس من التهم المنسوبة إليه فى قضية المواطن السيد عبد العاطى خليفة * مصر * السيد رئيس الوزراء يجتمع بالهيئة العليا لحزب الرشد الإجتماعى برئاسة الدكتور متولى راغب نائب رئيس الحزب للنظر فى ما تم إنجازه العام الماضى و ما ينتظر الحكومة العام القادم بناء على البرنامج المقدم من الحزب * مصر * فوز السيد محمود عبد الرحمن بمقعد رئيس حزب النصر التنموى فى إطار الإنتخابات الداخلية للحزب * مصر * إستمرار المناظرة الفكرية و الحقوقية بين حزب الأخوة الديمقراطى الإسلامى و مجموعة المحبة المسيحية فى مكتبة الإسكندرية و كانت آخر اللقاءات بين السيد منصور الدمرداش عن الحزب و الدكتور فوزى لوقا عن المجموعة * مصر * وزارة الخارجية تصدر بيانا ً رسميا ًشديد اللهجة تحذر فيه الإدارة الأمريكية من تكرار إساءة تعاملها للمراسلين الإعلاميين المصريين بعد الجلسة المكثفة التى عقدها نقيب الصحفيين مع وزيرى الإعلام و الخارجية * مصر * وزيرى الداخلية و العدل الفرنسيين يلتقيان بالسيد محمد عبد العزيز رئيس المركز العربى لحقوق الإنسان فى إطار المؤتمر العام للمركز الذى ينعقد خلال شهر نوفمبر الجارى تحت عنوان " آلية تطبيق حقوق الإنسان فى المجتمعات ذات الطابع المؤسسى " بعدها سيلتقى وزير الداخلية بنظيره المصرى بينما يعود الآخر لبلاده * مصر * مفتى الديار المصرية يصدر فتوى رسمية بعدم تعامل المسلمين مع إسرائيل باى صورة من الصور و إلا أ ُعد ذلك خيانة لله و رسوله و للمسلمين * مصر * مؤسسة الرئاسة ترفض إستقبال مستشار الأمن القومى الأمريكى الذى مكث لبضع ساعات فى السفارة الأمريكية ثم غادر البلاد لإستكمال جولته فى المنطقة * مصر * جامعة القاهرة تكرم العالم اليابانى كوشوما إيهو و تقلده نوط الجامعة و درعها فى حفل كبير حضره كوكبة من علماء جامعات القاهرة و الإسكندرية و أسيوط و المنصورة و عين شمس بعد التعاون المثمر بينه و بين هيئة الطاقة النووية المصرية * مصر * اليوم الساعة السابعة مساءا ً على قناة البرلمان بث مباشر من مجلس الشعب لنقل وقائع الجلسة الأخيرة من مناقشة مشروع قانون الإستثمارات الجديد المقدم من الحزب المصرى الليبرالى الديمقراطى * مصر * و على قناة الأدبية الليلة العالم الكبير إبراهيم نصير أستاذ تاريخ الحضارات بجامعة عين شمس فى اللقاء العلمى المثير مع العالم الألمانى تشاكر هانز * مصر *