الثلاثاء، ٢٩ سبتمبر ٢٠٠٩
خاص جدا ً ... حين ترسم الشخصيات بريشة لا أن تكتب بقلم
خاص جدا ً ... مسلسل قد تبدو قصته مكررة او معادة من الخارج فقط لكن التفاصيل تختلف ، حتما ً تختلف فالكاتب يهتم بالتفاصيل الصغيرة و النقوش الدقيقة و تولد شخوص روايته و أبطاله على يديه و يظل يتعهدهم بالرعاية و العناية و التربية حتى النهاية
فعلى حد تعبير الكاتب نفسه إنه لا يهتم بتأثير الظروف و المواقف فى شخوص حكايته و لكنه يهتم بكيفية تصرف و أسلوب و سلوك الشخوص فى هذه الظروف و المواقف
فعلى حد تعبير الكاتب نفسه إنه لا يهتم بتأثير الظروف و المواقف فى شخوص حكايته و لكنه يهتم بكيفية تصرف و أسلوب و سلوك الشخوص فى هذه الظروف و المواقف
خاص جدا ً ... مسلسل حتما ً يختلف عن قرنائه هذا العام و حتى فى الأعوام السابقة ، و رغم انى لست ممن يفضلون تسمية المسلسل على اسم بطل واحد من ابطاله و إنما العمل الفنى ينسب فقط لمخرجه لكنى سأسير مع ( الموجة ) و أعتبره مسلسل " يسرا " لأن يسرا تختلف هذا العام ، حتما ً تختلف قد لا تكون فى أفضل حالاتها و لا أنضجها و لكنها بالتأكيد ليست بالفشل الذى كانت عليه الأعوام السابقة فيسرا هذا العام ممثلة إلى حد ِ كبير و العمل الفنى مسلسل و ليس قضية طلع لها مسلسل ! هناك قدر كبير من الإجتهاد و محاولة محمودة للإختلاف لو استمرت عليها يسرا بالتأكيد سيزيد نجاحها بشدة فى الأعوام القادمة
خاص جدا ً ... تأليف المبدع و المتألق دائما ً صاحب روائع " سهر الليالى " و " عن العشق و الهوى " تامر حبيب و إخراج مخرجة تعمل لأول مرة هى غادة سليم نجحت إلى حد كبير فى إدارة الممثلين و إخراج المسلسل فى صورة مبهرة بالنسبة لكونه اول تجاربها الدرامية و لم يتدخل احد فى عملها – فى رأيى – إلا فى أضيق الحدود و إلا لما رأينا العمل بهذا الشكل ساعد غادة بشدة ان وقف بجانبها مدير التصوير المخضرم سامح سليم
الإخراج غادة سليم ، كما قلت نجحت إلى حد كبير فى إدارة الممثلين و كان تدخل يسرا او اى شخص آخر فى عملها واضحا ً بالطبع سرت الشائعات ان يسرا اختارت مخرجة للمرة الأولى للتحكم فيها و ان المنتجون فضلوا ايضا ً ذلك تقليلا ً للنفقات و إن كان هذا صحيحا ً او حتى به شئ من الصحة فالعمل يحتاج حقا ً إلى دماء جديدة لا يحتاج إلى مخرج كبير ينظر له نظرة تقليدية
غادة أخطائها نستطيع أن نقسمها قسمين كبيرين ، الأول إختيار طاقم الممثلين [ الكاستينج ] كل ممثل يستحق دوره و اجاده إلى حد كبير و كان اختياره موفق ماعدا الفاشل تامر هجرس و هو أكبر دليل على تدخل يسرا .... هذا الشاب تأتى له الكثير من الفرص على طبق من ماس و لكنه يهملها بعناد كبير و يصر على مشاعره المتبلدة و ملامح وجهه الجامدة لقد وضعوا اسمه فى هذا المسلسل على التتر بعد العملاق محمود قابيل ... مآساة ! و كان هناك ايضا ً سوء اختيار لدينا ، يعنى عشان الدور لست منحرفة على طول نجيب دينا الرقاصة ! إنجى على مناسبة و مش مناسبة هناء عبد الفتاح فى دور عزيز بشرى ... رأيى انه رغم صغر الدور إلا انه كان محتاج ممثل خبرة يصمد امام صفاء الطوخى
غادة أخطائها نستطيع أن نقسمها قسمين كبيرين ، الأول إختيار طاقم الممثلين [ الكاستينج ] كل ممثل يستحق دوره و اجاده إلى حد كبير و كان اختياره موفق ماعدا الفاشل تامر هجرس و هو أكبر دليل على تدخل يسرا .... هذا الشاب تأتى له الكثير من الفرص على طبق من ماس و لكنه يهملها بعناد كبير و يصر على مشاعره المتبلدة و ملامح وجهه الجامدة لقد وضعوا اسمه فى هذا المسلسل على التتر بعد العملاق محمود قابيل ... مآساة ! و كان هناك ايضا ً سوء اختيار لدينا ، يعنى عشان الدور لست منحرفة على طول نجيب دينا الرقاصة ! إنجى على مناسبة و مش مناسبة هناء عبد الفتاح فى دور عزيز بشرى ... رأيى انه رغم صغر الدور إلا انه كان محتاج ممثل خبرة يصمد امام صفاء الطوخى
مشكلة غادة سليم الأساسية ان تامر حبيب معروف عنه براعته الشديدة فى الحوار احنا مابناخدش من حبيب إلا الكلام اللى يعتبر الإطار لشخصياته الجميلة عشان كده بيبقى صعب على اى مخرج يشتغل مع تامر انه لو مهتمش بإنفعالات الممثل و لغة جسده [ البادى لانجويتش ]
و الميزنسيه حيخرج الحوار من الممثلين كأنه نشرة أخبار و ده اللى زهق بعض الناس من المسلسل و البعض الآخر حكم عليها بالفشل
طبعا ً غادة سليم لها مساعدان إخراج هما معتز المفتى و محمد عبد السلام و لكن الغريب وجود مخرجتان منفذتان هما مى ممدوح و سعاد الهجان المفروض ان المخرجين المنفذين بيتواجدوا فقط مع المخرجين الكبار او مع الممثلين المخرجين
التصوير ... لوحات ... مدير التصوير سامح سليم قدم لنا فى هذا المسلسل لوحات فنية و ليست مشاهد تلفزيونية عادية حقا ً لقد أبدع سامح سليم بشكل غير مسبوق فى الدراما التلفزيونية نسب الظل و الإضاءة و زوايا التصوير و سلاسة الإنتقال بين الكاميرات لقد أمتعنا سامح سليم طوال المسلسل حقا ً أمدنا بمتعة بصرية غير مسبوقة قاد فريقا ً من المصورين أكثر من ممتاز يوسف لبيب و مروان صابر و المساعدين كريم أشرف و وليد جابر
الديكور ... الشريك الثانى مع سامح سليم المهندس المتميز أمير عبد العاطى قدم أمير ديكورات اكثر من مبهرة على الصعيدين الثرى و المتوسط على الصعيد الثرى كانت الديكورات قطع فنية الدهانات و الأثاث و التحف و أدوات الإضاءة و على الصعيد المتوسط كان شديد الواقعية
الموسيقى التصويرية الموسيقار الجميل خالد حماد من الإضافات شديدة الثراء فى المسلسل موسيقى متنوعة غير صاخبة معبرة إلى أقصى درجة
طاقم الممثلين سابدأ بـضيوف شرف الحلقات هم ضيوف شرف فقط من وجهة النظر الإنتاجية و لكن من حيث حدوتة تامر حبيب كل واحد منهم بطل حدوتة من الحواديت الفرعية او الحالات النفسية التى تأتى إلى عيادة شريفة فارس او حازم
بالطبع لا تعليق على أداء العملاق عبد الرحمن ابو زهرة فلست انا من سيقيم أداءه بسمة القديرة رغم صغر سنها التى تؤدى الدور بسلاسة مرعبة و كأنها تقول لك دى أقل امكانيات عندى أحمد فلوكس مفآجأة حقيقية كأنك اول مرة تشوفه فلوكس بيطور من أداؤه بطريقة سريعة جدا ً مى كساب لم تضف شيئا ً للدور بينما أضاف الدور لها و لمشوارها الفنى ! و كان من الأفضل أن تقوم بالدور ممثلة خليجية هنا شيحة و امير كرارة عملوا أدوارهم عادى جدا ً كأنهم اول مرة يمثلوا كريم قاسم أجاد دوره ميرنا المهندس كأنها ماكنتش فى المسلسل ! ايمن عزب و هشام عبد الله عملاقين لم يقدموا شئ ! عمرو مهدى ممكن كانوا يجيبوا بدلا ً منه اى كومبارس صامت ! و تركت للنهاية المبدعة صاحبة الطلة و الأداء الذى ينتمى لمدرسة التشخيص كارولين خليل التى نعرفها كلنا باسم برهومة مرعش ! دورها فى " خالى من الكوليسترول " صاحبة أداء فريد من نوعه و تشخيص منقطع النظير متخصصة فى الأدوار الصغيرة و تثبت انها قادرة ماتخليش المشاهد ينساها و تـ ( علم عليه )
طبعا ً غادة سليم لها مساعدان إخراج هما معتز المفتى و محمد عبد السلام و لكن الغريب وجود مخرجتان منفذتان هما مى ممدوح و سعاد الهجان المفروض ان المخرجين المنفذين بيتواجدوا فقط مع المخرجين الكبار او مع الممثلين المخرجين
التصوير ... لوحات ... مدير التصوير سامح سليم قدم لنا فى هذا المسلسل لوحات فنية و ليست مشاهد تلفزيونية عادية حقا ً لقد أبدع سامح سليم بشكل غير مسبوق فى الدراما التلفزيونية نسب الظل و الإضاءة و زوايا التصوير و سلاسة الإنتقال بين الكاميرات لقد أمتعنا سامح سليم طوال المسلسل حقا ً أمدنا بمتعة بصرية غير مسبوقة قاد فريقا ً من المصورين أكثر من ممتاز يوسف لبيب و مروان صابر و المساعدين كريم أشرف و وليد جابر
الديكور ... الشريك الثانى مع سامح سليم المهندس المتميز أمير عبد العاطى قدم أمير ديكورات اكثر من مبهرة على الصعيدين الثرى و المتوسط على الصعيد الثرى كانت الديكورات قطع فنية الدهانات و الأثاث و التحف و أدوات الإضاءة و على الصعيد المتوسط كان شديد الواقعية
الموسيقى التصويرية الموسيقار الجميل خالد حماد من الإضافات شديدة الثراء فى المسلسل موسيقى متنوعة غير صاخبة معبرة إلى أقصى درجة
طاقم الممثلين سابدأ بـضيوف شرف الحلقات هم ضيوف شرف فقط من وجهة النظر الإنتاجية و لكن من حيث حدوتة تامر حبيب كل واحد منهم بطل حدوتة من الحواديت الفرعية او الحالات النفسية التى تأتى إلى عيادة شريفة فارس او حازم
بالطبع لا تعليق على أداء العملاق عبد الرحمن ابو زهرة فلست انا من سيقيم أداءه بسمة القديرة رغم صغر سنها التى تؤدى الدور بسلاسة مرعبة و كأنها تقول لك دى أقل امكانيات عندى أحمد فلوكس مفآجأة حقيقية كأنك اول مرة تشوفه فلوكس بيطور من أداؤه بطريقة سريعة جدا ً مى كساب لم تضف شيئا ً للدور بينما أضاف الدور لها و لمشوارها الفنى ! و كان من الأفضل أن تقوم بالدور ممثلة خليجية هنا شيحة و امير كرارة عملوا أدوارهم عادى جدا ً كأنهم اول مرة يمثلوا كريم قاسم أجاد دوره ميرنا المهندس كأنها ماكنتش فى المسلسل ! ايمن عزب و هشام عبد الله عملاقين لم يقدموا شئ ! عمرو مهدى ممكن كانوا يجيبوا بدلا ً منه اى كومبارس صامت ! و تركت للنهاية المبدعة صاحبة الطلة و الأداء الذى ينتمى لمدرسة التشخيص كارولين خليل التى نعرفها كلنا باسم برهومة مرعش ! دورها فى " خالى من الكوليسترول " صاحبة أداء فريد من نوعه و تشخيص منقطع النظير متخصصة فى الأدوار الصغيرة و تثبت انها قادرة ماتخليش المشاهد ينساها و تـ ( علم عليه )
بقى دوران ثانويان واحد أداه تامر حبيب ببراعة فتامر ممثل جيد بنفس إجادته للكتابة و الأدوار التى يمثلها هى الأدوار القريبة منه جدا ً او التى يحبها جدا ً كانت اول أدواره ممثلا ً كومبارس فى فيلم " جنة الشياطين " و أهم أدواره عندما شخص الراحل صلاح جاهين فى مسلسل " السندريلا " ببراعة منقطعة النظير
الدور الثانى أداه سامح سليم و الحقيقة اننى لا أستطيع الحكم عليه فالدور كان من الممكن أن يقوم به اى ممثل بجودة أكبر بلا أدنى شك
و لنتحدث الآن عن الأبطال الرئيسيين
محمود قابيل ... فعلا ً الكبير كبير رغم مشاهده القليلة إلا انه كان دائما ً الحاضر الغائب فى المسلسل بأداء مرن جدا ً من النوع السهل الممتنع
تامر هجرس ... كما قلت فى السابق واحد من افشل الأدوار فى المسلسل اداؤه غير مقنع و مفتعل و انفعالاته مضحكة
درة ... موهوبة و لكنها لم تستغل هذه الموهبة فى إتقان الدور و تقديمه على أكمل وجه و لكن لأن معظم مشاهدها امام تامر هجرس فمن فرط ضعف أداءه بدت هى أمامه ممثلة عملاقة
يسرا اللوزى ... اكتشاف يوسف شاهين التى تتقدم فى التمثيل ببطء شديد و لكن بمنتهى القوة اجادت دورها بمهارة كبيرة و أظهرت قدرات مرعبة فى التمثيل امام قامات مثل محمود قابيل او يسرا
اياد نصار ... الإمبراطور الأردنى صاحب روائع " ابو جعفر المنصور " و " ابناء الرشيد " يأتى إلى مصر فى دور جديد بالنسبة له فى دور كتبة تامر حبيب فى حرفية شديدة و قدمه اياد بطريقة لم يكن غيره يستطيع تقديمها
نبيل نور الدين ... ادى دوره بسلاسة و من غير ان يأتى بجديد
شعبان حسين ... القدير يؤدى دور صعب و جديد عليه فى مساحة تراجيدية لم يسبق ان اداها ، أضاف لها عمق و سحر خاص و مذاق تشعر معه بخبرة السنين و فعل الأيام
تهانى راشد ... اجادة تامة للدور و فى نفس الوقت حيوية غير مسبوقة كأنها اول مرة تمثل
رجاء الجداوى ... مثل محمود قابيل الكبير كبير و لكن لعيوب فى كتابة الدور سأوضحها لاحقا ً اثر ذلك بشدة على دورها رغم اتقان اداءها
تصفيق كبير و نرفع القبعة لأداء كل ٍ من أميرة نايف و سهر الصايغ و نسرينا و محمود اللوزى
مفآجات المسلسل
صفاء الطوخى ... ايه ده ايه الجمال ده كله ليهم حق لما يقولوا خطفت الأضواء من يسرا واضح انها استعدت للدور ده بمجهود كبير جدا ً و كمان تامر حبيب كاتب دورها و شخصيتها من غير و لا غلطة رغم انه دور بيطرح مشكلة كبيرة فى المجتمع المصرى خصوصا ً و العربى عموما ً إلا إن رؤية حبيب و أداء صفاء جعلا الموضوع انسانى بحت كلنا ( صعبت علينا ) ماجدة عزيز بشرى المرأة التى تجاوزت الأربعين من عمرها دون ان تتزوج لأنها تحب محمد ابو المعاطى
ايمى غانم ... صاروخ تمثيل طلقة و انضربت فى عالم التمثيل عدت بدور واحد ان نقول عنها انها بنت سمير غانم بينما احتاجت أختها سنوات – و لعلها لم تنجح حتى الآن – للخروج من عباءة سمير غانم الدور تقليدى صاحبة البطلة و لكن قلائل فى عالم التمثيل هم من استطاعوا ان ( يعلموا ) معنا بهذا الشكل
عمرو صالح ... فتى منعكش الشعر دوره صغير جدا ً لكنه مذهل قد لا ترى ذلك و لكن من رآه هذا العام فى قمة الكوميديا فى " ونيس و احفاده " و قمة التراجيديا فى " خاص جدا ً " سيفهم و يعرف ما أقول
عمرو ياسين ... يلى ايمى غانم فى الإجادة و كان مثل درة عملاق امام أداء تامر هجرس الزجاجى بينما مشاهده مع درة كانت مباراة فى التمثيل
سأتحدث عن دور يسرا فى سياق الكلام عن تامر حبيب
عاب الكثيرين عن المسلسل ان يسرا كما هى الشخصية القيادية القوية التى لا تخطأ و تساعد كل من حولها بل و تسامحهم و هذا ما قدمته طيلة الأعوام السابقة
أختلف مع أصحاب هذه الرؤية اختلافا ً تاما ً فأداء يسرا ملئ حقا ً بالعيوب و انا لا أدافع عنها و لكنى أدافع عن تامر حبيب
فتامر ليس ممن يكتب سيناريو تفصيل و لكنه قد يكتب سيناريو و هو شايف حد بعينه قد ترون انه لا فرق و لكن الفرق كبير جدا ً الدور اللى كاتبه تامر حبيب فعلا ً يناسب يسرا
كونها ست بتحل مشاكل كل اللى حواليها و كونها شخصية قيادية المرة دى مبرر جدا ً فهى استاذة شهيرة فى مجال الطب النفسى لها عيادتين فى القاهرة و دبى و تمتلك كاريزما عالية تؤهلها للظهور بشكل مستمر فى برامج التلفزيون كل ده و شخصية مش موجودة فى الواقع بأمارة ايه و عاوز تقول لى ان شخصية زى دى مش قيادية و مغرورة و كان لازم الزمن يصدمها فى زوجها و رفيق رحلتها بعد العمر الطويل ده
الصراحة تامر حبيب اجاد تجميع الخيوط و لم تهرب منه ابدا ً طوال الحلقات و تمتعنا بمسلسل خالى تماما ً من المط و التطويل لأنه مسلسل متصل منفصل حتى انه أصبح كالرواية لكل فصل عنوان و كذلك المسلسل لكل حلقة عنوان بس عيوب يسرا و أداءها طوال السنوات الماضية جعلت البعض يظلم المسلسل بشدة
من النقاط ايضا ً التى أعتبرها ميزة و اعتبرها البعض ضعفا ً ان تامر قدم شخصياته و مشكلاتها التى تمس مصر و العالم العربى كله و ترك كل النهايات مفتوحة و لم يحكم على اى شخصية فلم نعرف هل مصطفى زيدان اكتفى بالمرأة الثانية ام لا و هل هو على حق ام خطأ لم نعرف و كذلك لم نعرف مصير دور الشاب الذى قدمه عمرو صالح و لا مصير الطبيبة التى قدمتها نسرينا ... إلخ
و كذلك دور شريفة فارس الذى قدمته يسرا من قال ان يسرا تجسد دور امرأة مثالية لقد احبت الطبيبة النفسية مريضها فى نهاية المسلسل و هى نفس المشكلة التى جاءت فى منتصف الحلقات مع مساعدها زياد و وجهته بطريقة تدمره زاعمة انها تفيده و لكن ايضا ً تامر حبيب ترك النهاية مفتوحة و لم يحكم على الشخصية
اخطأ تامر فى دور نونا الذى قدمته رجاء الجداوى اطال فيه جدا ً تامر و أصابنا الملل منه
البعض أعجبته ملابس يسرا و هنا يظهر دور الفنان هانى البحيرى و الإستايليست داليا محمود ، و البعض أساءه ظهور يسرا بملابس عارية فى رمضان و يجدون ان ذلك غير مبرر من قبل طبيبة نفسية
هما مش واخدين بالهم ان الطبيبة النفسية فى الأول او فى الآخر ست
بس الملاحظة الأهم ان ملابس يسرا فى القاهرة دائما ً محتشمة و فى دبى عارية و لا أعرف هل يتعمد ذلك صناع المسلسل ؟ ام لا ؟
من هاجم المسلسل بأنه للأثرياء فقط او هاجم ديكورات المسلسل و قال انها لا تمت لمجتمعنا بصلة مش فاهم اى حاجة و ما يعرفش مصر وصلت لإيه ...
اولا ً مازال الطب النفسى فى مصر نوع من الترفيه و طبقات محدودة فكريا ً و ثقافيا ً و ماديا ً هى اللى بتقبل تروح لطبيب نفسى فعشان كده الثراء فى المسلسل كان مبرر جدا ً
و بالنسبة للديكورات شديدة الفخامة طب ما المسلسل أظهر برضه الناس الغلبانة و أجاد صنع ديكورات منازلهم و لا احنا ما بنبصش إلا على ديكورات فلل المسلسل و عيادة دبى !
فى النهاية أحيى تامر حبيب على احترامه عقل المشاهد و استمراره فى تقديم أعمال جادة ذات أهداف و تطرح القضايا بالشكل الدرامى المناسب و ليس فى شكل نشرة الأخبار
و أحيى غادة سليم المخرجة الواعدة التى قدمت مجهود جبار بالنسبة لكونها تخرج للمرة الأولى و أتمنى أن تأتى أعمالها القادمة على نفس المستوى
الخميس، ٢٠ أغسطس ٢٠٠٩
لا يوجد بطالة فى مصر
عنوان صادم بلا شك ... و لكنه الحقيقة للأسف ...
لا يوجد فى مصر شباب عاطل او لا يجد عمل ، أرجو ألا يقلق قارئى الكريم و ألا يكمل قراءة المقال فانا لم أنضم بعد للحزب الوطنى - بس و الله بافكر ! - و لم أصبح مخبر فى أمن الدولة و لم يتم ترشيحى بعد لمنصب رئيس تحرير احدى الصحف القومية ، انا باكلم بجد مافيش بطالة فى مصر بالمعنى المتدوال و الساخر بأن الشباب قاعد على القهاوى اللى بيقول كده مغرض و حاقد على الشباب احنا الشباب - من التخرج و حتى الـ 30 و يمكن بعد - مطحونين و طالع عين اللى خلفونا آه زينا زى كل الشعب الغلبان بس احنا الضغط علينا أعنف عكس ما يتصور البعض
إنما البطالة فى مصر بطالة مقنعة مافيش شاب ما بيشتغلش ... بس بيشتغل فى مجال مؤهله طبعا ً لأ
نتكلم عن المؤهلات العليا الأول ، طبعا ً ما فيش شاب مانفسوش يجوز - غير كده يبقى غير سوى نفسيا ً او فكريا ً - لو مش عشان طموحاته الأسرية يبقى عشان احتياجاته الفسيولوجية يا سيدى على أقل تقدير مصروف جيبه فى ايده يخرج مع اصحابه يقعد فى كافيتريا يروح سينما يشترى اللى هو عاوزه من لبس او أكل لو حد ليه فى المزز يتسرمح معاها !
المفاجأة انه بيشتغل شغلانة مش فى مجاله و بينطحن و بيضرب بالجزمة و بيتهان من أسافل البشر و بياخد ملاليم و ما بيحققش اى حاجة من اللى فاتت دى !
و عشان نكون واضحين نستعرض الشغل اللى بنشتغله معشر الشباب فى الأيام السودة دى
مندوب مبيعات
طبعا ً على رأس القائمة شباب مصر كلهم بقوا بيشتغلوا مندوبين مبيعات و مبقاش شباب التجارة ليهم فى الموضوع ده و لمت
طبعا ً كل شاب و اللى يقبله بمعنى فيه اللى يلف على القهاوى و المطاعم بولاعات و ساعات و تى شيرتات - معاكى رضا من الشركة المصرية للمبيعات ... نحن نختلف عن الآخرون خاااالص !!! - و فيه اللى ضابط الهيئة - فول فورم - كرافت و بدلة كاملة و السلعة تافهة !
و فيه العوج يقول لك ميديكال راب يعنى مندوب مبيعات أدوات و أجهزة طبية و دى متخصصة شوية لخريجين الزراعة و العلوم و البيطرى و يشترط إجادة الإنجليزية على أساس انى حابيع فى شوارع لندن او لوس أنجلوس !
و فيه الأكثر عوجا ً و يقول لك باشتغل سيلز ! يعنى بالإنجليزى فرقت !!! المحترم أكتر - بس برضه عوج - يقول لك سيلز إن دور يعنى مبيعات داخلية يعنى فى المكتب و ما بيلفش على كعوب رجليه
اما الأخوة الأطباء البشريين و الصيادلة فـمندوبين مبيعات أدوية و للى مايعرفش فأوسخ مجال فيكى يا مصر هو مجال الأدوية
فيه مجال تانى ناس كتير مصرة انه محترم و يقول لك ده بيشتغل فى الصياحة - قصدهم السياحة و لا مؤاخذة - الشغل ده اسمه تايم شير اللى ما يعرفهاش حابقى أشرحه له بعدين
الإتصالات
لأ مخك مايروحش لبعيد الإتصالات فى مصر معناها كروت الشحن و الشحن على الهوا او على الطاير - انتا و شبكتك - و الوقوف فى السنترالات 10 ساعات كحد أدنى و قد يدخل فى هذا المجال العامر تصوير المستندات و بيع مذكرات الطلبة من حضانة للجامعة !
و لو الشاب مننا مطقطق شوية - على رأى علاء ولى الدين الله يرحمه جـَوزها واحد بتاع فشار ! - يصلح موبايلات و كومبيوتر او يقوم بالموضوع العبقرى اللى اسمه تجميع الجهاز مقابل 20 جنيه للجهاز ده غير تنزيل البرامج و اشتغالات الموبايلات التى لا تنتهى
العمالة
لأ مش العمالة لدولة أجنبية لا سمح الله و لو أن التجسس على النظام الحالى يمكن يجيب فايدة و يضيعه و نخلص !
شوف هو يشغلك بمؤهلك بس تشتغل بإيديك زى العمال يعنى الإسم دكتور بيطرى فى شركة أدوية و الواقع - على رأى كتكوت مش ده الواجع مش دى الحجيجة ؟ واجع ايه ؟ واجع عليك دوار بالكنيف اللى فيه بالراجل اللى جاعد على الكنيف !!! - بتشيل و تحط فى الكراتين لحد لما يجيلك لومباجو !
الإسم محامى الواقع ( الولا اللى فى المكتب ) اللى الأستاذ الكبير مشغله حمو مشاوير يشوف الرول و ميعاد الجلسات و يشيل شنطة و روب الأستاذ و يخلص بفهلوة كل ورق المحكمة لحد لما يبقى يعرف يسجل نفسه فى النقابة و يفتح لنفسه مكتب بعد 10 لـ 15 سنة ! و يوم لما يقابل أستاذه ده حايتف على وشه !!!
الإسم اى حاجة من بتاعة السياحة و الفنادق من بتوع الأسطف الكامل و الواقع يا اما فى المطبخ بتساعد الشيف العالمى خريج معهد البولدون و تسلك له البلاعة لو اتسدت و تلم زبالة المطبخ و تطلع ترميها برة او تشتغل فى الصالة ... لأ مش متر دوتل محترم او كابتن صالة ملو هدومك انتا جنيت جت لك منين الخبرة عشان تشتغل الشغل ده انت بتوصل الزبائن للترابيزات اللى هما عاوزينها و تفتح لهم الكراسى و بعد الأكل تجيب لهم الخلات ... و فى الفنادق يمكن تشيل الشنط
الإسم مهندس زراعى الواقع ممكن لو فى مزرعة دواجن بتنضف تحت الفراخ و تشيل الــ ... لا مؤاخذة و تغير البامبرز و تنيمهم ! و نفس القصة مع البهايم بس على أفظع طبعا ً ده فى حلب كمان ! لو فى مصنع ألبان حايطق لك عرق من شيل أقساط اللبن و صفايح الجبن لو فى مصانع أغذية مش حاقول لك هنا ما بعده هنا
و الأمثلة كتير قوى و الحمد لله
الأمن
لأ برضة مخك مايروحش لبعيد مش حاتشتغل مدير مكتب وزير الداخلية اللواء شرشبيل و لا مدير أمن الجيزة اللواء النمروذ ... فرد الأمن سكيورتى لمحبى العوج ... بتختلف لو فى عمارة يبقى مهام وظيفتك الحقيقية بواب بس بشياكة بيقولوا عليك أمن ! بكااااااامل مهام البواب لو فى بنك او فى شركة فحظك أحسن بكتير و تبقى مبخت
و على كل الأحوال دى شغلانة مملة حقا ً لا تقل عن 12 ساعة يوميا ً على أساس اننا حصنة بنام و احنا واقفين !
جلابية و دقن
و ده موضوع لذيذ جدا ً انتا فى الجامعة تتعرف على حد من الجماعة السلفيين اللى اسمهم الحقيقى وهابيين و اوعى تيجى ناحية الإخوان دول سكتهم عوء و كلها مشاكل تضرب البنطلون القصير اللى يبين شرابك كله و بعد الجامعة تديها قفاطين بالصلاة على النبى ( تخيل لو حد داخل حقوق اسكندرية و لا تجارة عين شمس بقفطان !! ) ده غير طبعا ً الدقن و عود السواك و تخش فى السبوبة الجامدة ( بخور - مسواك - كتيبات دينية لكثير من الجاهلين - شرايط عمرو خالد و شلة مترزقة الفضائيات من أمثال الحوينى و المصرى و عمك يعقوب و غيرهم - مصلايات و سبح - عطور زيتية ذات رائحة فظيعة و ما بتتطلعش ! - قفاطين و الإختراع التحفة اللى اسمه إسدال و كل الحبشتكانات دى ) و تقف على الناصية يا عم بعد كل صلاة و خصوصا ً الجمعة موضوع يكسب دهب و على رأى وحيد حامد فى طيور الظلام لما راتب بيسأل إمام عن الخولى هوا بقى امتى مع الجماعة دول قاله مش عارف بس انا فاكر انه فى الكلية كان مع الشيوعيين !! بس ده لما الشيوعيين كان رزقهم واسع بس دلوقت دول اللى رزقهم أوسع
______________________________
الشباب الغلابة بقى بتوع المؤهلات المتوسطة و فوق المتوسطة للأسف و بكل أسف فى زمن لا يوجد به صناعة و لا حتى زراعة فنحن لا نحتاج لفنيين و عمال محترفة
فى عمارة يعقوبيان بيقول لها البلد دلوقت مش محتاجة مهندسيين البلد محتاجة صيع !
دول بقى بيشتغلوا سواقين و ياريت سواقين أوتوبيسات و مينى باصات و ميكرو باصات لأ حضرتك سواقين تكاتك و تريسكلات بصندوق
و ممكن برضه يبقى لهم فى سبوبة الإتصالات او الدقن و الجلابية السالف ذكرهم و بياعين فى الأسواق المختلفة و دول ربنا معاهم لأنهم فى حرب 24 ساعة فى الـ 24 ساعة مع سدنة و جنرالات المرافق و الإزالة - بالمناسبة المرافق بتفكرنى لما بقرأ فى كتب التاريخ أن جند الوالى الظالم خورشيد مثلا ً نزلوا إلى المدينة و نهبوا الأهالى بضائعهم و أشاعوا فيهم الذعر ! - ده غير اللى رمى التعليم الفنى ورا ظهره و التعليم كله و اشتغل شغل ابوه اهو يبقى بر والدين و شغل فى نفس الوقت نجار حلاق سباك حداد ... إلخ
ربنا يكون فى عون شبابك يا مصر
مــحــمــد يــاســر بــكــر
لا يوجد فى مصر شباب عاطل او لا يجد عمل ، أرجو ألا يقلق قارئى الكريم و ألا يكمل قراءة المقال فانا لم أنضم بعد للحزب الوطنى - بس و الله بافكر ! - و لم أصبح مخبر فى أمن الدولة و لم يتم ترشيحى بعد لمنصب رئيس تحرير احدى الصحف القومية ، انا باكلم بجد مافيش بطالة فى مصر بالمعنى المتدوال و الساخر بأن الشباب قاعد على القهاوى اللى بيقول كده مغرض و حاقد على الشباب احنا الشباب - من التخرج و حتى الـ 30 و يمكن بعد - مطحونين و طالع عين اللى خلفونا آه زينا زى كل الشعب الغلبان بس احنا الضغط علينا أعنف عكس ما يتصور البعض
إنما البطالة فى مصر بطالة مقنعة مافيش شاب ما بيشتغلش ... بس بيشتغل فى مجال مؤهله طبعا ً لأ
نتكلم عن المؤهلات العليا الأول ، طبعا ً ما فيش شاب مانفسوش يجوز - غير كده يبقى غير سوى نفسيا ً او فكريا ً - لو مش عشان طموحاته الأسرية يبقى عشان احتياجاته الفسيولوجية يا سيدى على أقل تقدير مصروف جيبه فى ايده يخرج مع اصحابه يقعد فى كافيتريا يروح سينما يشترى اللى هو عاوزه من لبس او أكل لو حد ليه فى المزز يتسرمح معاها !
المفاجأة انه بيشتغل شغلانة مش فى مجاله و بينطحن و بيضرب بالجزمة و بيتهان من أسافل البشر و بياخد ملاليم و ما بيحققش اى حاجة من اللى فاتت دى !
و عشان نكون واضحين نستعرض الشغل اللى بنشتغله معشر الشباب فى الأيام السودة دى
مندوب مبيعات
طبعا ً على رأس القائمة شباب مصر كلهم بقوا بيشتغلوا مندوبين مبيعات و مبقاش شباب التجارة ليهم فى الموضوع ده و لمت
طبعا ً كل شاب و اللى يقبله بمعنى فيه اللى يلف على القهاوى و المطاعم بولاعات و ساعات و تى شيرتات - معاكى رضا من الشركة المصرية للمبيعات ... نحن نختلف عن الآخرون خاااالص !!! - و فيه اللى ضابط الهيئة - فول فورم - كرافت و بدلة كاملة و السلعة تافهة !
و فيه العوج يقول لك ميديكال راب يعنى مندوب مبيعات أدوات و أجهزة طبية و دى متخصصة شوية لخريجين الزراعة و العلوم و البيطرى و يشترط إجادة الإنجليزية على أساس انى حابيع فى شوارع لندن او لوس أنجلوس !
و فيه الأكثر عوجا ً و يقول لك باشتغل سيلز ! يعنى بالإنجليزى فرقت !!! المحترم أكتر - بس برضه عوج - يقول لك سيلز إن دور يعنى مبيعات داخلية يعنى فى المكتب و ما بيلفش على كعوب رجليه
اما الأخوة الأطباء البشريين و الصيادلة فـمندوبين مبيعات أدوية و للى مايعرفش فأوسخ مجال فيكى يا مصر هو مجال الأدوية
فيه مجال تانى ناس كتير مصرة انه محترم و يقول لك ده بيشتغل فى الصياحة - قصدهم السياحة و لا مؤاخذة - الشغل ده اسمه تايم شير اللى ما يعرفهاش حابقى أشرحه له بعدين
الإتصالات
لأ مخك مايروحش لبعيد الإتصالات فى مصر معناها كروت الشحن و الشحن على الهوا او على الطاير - انتا و شبكتك - و الوقوف فى السنترالات 10 ساعات كحد أدنى و قد يدخل فى هذا المجال العامر تصوير المستندات و بيع مذكرات الطلبة من حضانة للجامعة !
و لو الشاب مننا مطقطق شوية - على رأى علاء ولى الدين الله يرحمه جـَوزها واحد بتاع فشار ! - يصلح موبايلات و كومبيوتر او يقوم بالموضوع العبقرى اللى اسمه تجميع الجهاز مقابل 20 جنيه للجهاز ده غير تنزيل البرامج و اشتغالات الموبايلات التى لا تنتهى
العمالة
لأ مش العمالة لدولة أجنبية لا سمح الله و لو أن التجسس على النظام الحالى يمكن يجيب فايدة و يضيعه و نخلص !
شوف هو يشغلك بمؤهلك بس تشتغل بإيديك زى العمال يعنى الإسم دكتور بيطرى فى شركة أدوية و الواقع - على رأى كتكوت مش ده الواجع مش دى الحجيجة ؟ واجع ايه ؟ واجع عليك دوار بالكنيف اللى فيه بالراجل اللى جاعد على الكنيف !!! - بتشيل و تحط فى الكراتين لحد لما يجيلك لومباجو !
الإسم محامى الواقع ( الولا اللى فى المكتب ) اللى الأستاذ الكبير مشغله حمو مشاوير يشوف الرول و ميعاد الجلسات و يشيل شنطة و روب الأستاذ و يخلص بفهلوة كل ورق المحكمة لحد لما يبقى يعرف يسجل نفسه فى النقابة و يفتح لنفسه مكتب بعد 10 لـ 15 سنة ! و يوم لما يقابل أستاذه ده حايتف على وشه !!!
الإسم اى حاجة من بتاعة السياحة و الفنادق من بتوع الأسطف الكامل و الواقع يا اما فى المطبخ بتساعد الشيف العالمى خريج معهد البولدون و تسلك له البلاعة لو اتسدت و تلم زبالة المطبخ و تطلع ترميها برة او تشتغل فى الصالة ... لأ مش متر دوتل محترم او كابتن صالة ملو هدومك انتا جنيت جت لك منين الخبرة عشان تشتغل الشغل ده انت بتوصل الزبائن للترابيزات اللى هما عاوزينها و تفتح لهم الكراسى و بعد الأكل تجيب لهم الخلات ... و فى الفنادق يمكن تشيل الشنط
الإسم مهندس زراعى الواقع ممكن لو فى مزرعة دواجن بتنضف تحت الفراخ و تشيل الــ ... لا مؤاخذة و تغير البامبرز و تنيمهم ! و نفس القصة مع البهايم بس على أفظع طبعا ً ده فى حلب كمان ! لو فى مصنع ألبان حايطق لك عرق من شيل أقساط اللبن و صفايح الجبن لو فى مصانع أغذية مش حاقول لك هنا ما بعده هنا
و الأمثلة كتير قوى و الحمد لله
الأمن
لأ برضة مخك مايروحش لبعيد مش حاتشتغل مدير مكتب وزير الداخلية اللواء شرشبيل و لا مدير أمن الجيزة اللواء النمروذ ... فرد الأمن سكيورتى لمحبى العوج ... بتختلف لو فى عمارة يبقى مهام وظيفتك الحقيقية بواب بس بشياكة بيقولوا عليك أمن ! بكااااااامل مهام البواب لو فى بنك او فى شركة فحظك أحسن بكتير و تبقى مبخت
و على كل الأحوال دى شغلانة مملة حقا ً لا تقل عن 12 ساعة يوميا ً على أساس اننا حصنة بنام و احنا واقفين !
جلابية و دقن
و ده موضوع لذيذ جدا ً انتا فى الجامعة تتعرف على حد من الجماعة السلفيين اللى اسمهم الحقيقى وهابيين و اوعى تيجى ناحية الإخوان دول سكتهم عوء و كلها مشاكل تضرب البنطلون القصير اللى يبين شرابك كله و بعد الجامعة تديها قفاطين بالصلاة على النبى ( تخيل لو حد داخل حقوق اسكندرية و لا تجارة عين شمس بقفطان !! ) ده غير طبعا ً الدقن و عود السواك و تخش فى السبوبة الجامدة ( بخور - مسواك - كتيبات دينية لكثير من الجاهلين - شرايط عمرو خالد و شلة مترزقة الفضائيات من أمثال الحوينى و المصرى و عمك يعقوب و غيرهم - مصلايات و سبح - عطور زيتية ذات رائحة فظيعة و ما بتتطلعش ! - قفاطين و الإختراع التحفة اللى اسمه إسدال و كل الحبشتكانات دى ) و تقف على الناصية يا عم بعد كل صلاة و خصوصا ً الجمعة موضوع يكسب دهب و على رأى وحيد حامد فى طيور الظلام لما راتب بيسأل إمام عن الخولى هوا بقى امتى مع الجماعة دول قاله مش عارف بس انا فاكر انه فى الكلية كان مع الشيوعيين !! بس ده لما الشيوعيين كان رزقهم واسع بس دلوقت دول اللى رزقهم أوسع
______________________________
الشباب الغلابة بقى بتوع المؤهلات المتوسطة و فوق المتوسطة للأسف و بكل أسف فى زمن لا يوجد به صناعة و لا حتى زراعة فنحن لا نحتاج لفنيين و عمال محترفة
فى عمارة يعقوبيان بيقول لها البلد دلوقت مش محتاجة مهندسيين البلد محتاجة صيع !
دول بقى بيشتغلوا سواقين و ياريت سواقين أوتوبيسات و مينى باصات و ميكرو باصات لأ حضرتك سواقين تكاتك و تريسكلات بصندوق
و ممكن برضه يبقى لهم فى سبوبة الإتصالات او الدقن و الجلابية السالف ذكرهم و بياعين فى الأسواق المختلفة و دول ربنا معاهم لأنهم فى حرب 24 ساعة فى الـ 24 ساعة مع سدنة و جنرالات المرافق و الإزالة - بالمناسبة المرافق بتفكرنى لما بقرأ فى كتب التاريخ أن جند الوالى الظالم خورشيد مثلا ً نزلوا إلى المدينة و نهبوا الأهالى بضائعهم و أشاعوا فيهم الذعر ! - ده غير اللى رمى التعليم الفنى ورا ظهره و التعليم كله و اشتغل شغل ابوه اهو يبقى بر والدين و شغل فى نفس الوقت نجار حلاق سباك حداد ... إلخ
ربنا يكون فى عون شبابك يا مصر
مــحــمــد يــاســر بــكــر
الأحد، ٢٨ يونيو ٢٠٠٩
الجمعة، ٢٦ يونيو ٢٠٠٩
مـنـى زكـى ... سيدة الشاشة العربية
قد يضايق العنوان كارهى الفنانة منى زكى او حزب أعداء النجاح او المتعصبين للفنانة العملاقة فاتن حمامة او المتعصبين للجيل القديم بصفة عامة
و لكنها الحقيقة التى لا تقبل الخلاف عليها لا يوجد الآن على الشاشة العربية فنانة ثقيلة تحمل هذا اللقب بعد فاتن حمامة إلا منى زكى
من يحمله غيرها ؟ منة شلبى ؟ غادة عادل ؟ بسمة ؟ نور ؟ و لا حتى هند صبرى بكل ما تحمله من ثقل فنى ...
منى زكى الوحيدة التى تعطيك الشعور بالأنوثة الوقورة حتى مع الملابس العارية او المشاهد الحميمية مثل فاتن حمامة
منى زكى التى جمعت كل صفات الأجيال السابقة معا ً وقار فاتن حمامة دلال شادية تحرر لبنى عبد العزيز ( جدعنة و مرجلة ) نادية لطفى أنوثة سهير رمزى المثيرة صلف و غرور و كبرياء ميرفت أمين جرأة نبيلة عبيد قوة نادية الجندى
منى زكى الوحيدة التى تقدم على الشاشة اى دور يمثل اى مرحلة عمرية نسائية فتصدقها كانت امرأة ناضجة كل النضج فى " سهر الليالى " و مراهقة عاشقة فى " العشق و الهوى " قبل ان يتقدم بها العمر فى نفس الفيلم فترى أثر الخبرة و (بهدلة الأيام ) ظاهر فيها كأمرأة
قام حزب أعداء النجاح بمهاجمتها للقطة فى إعلان لم تستغرق سوى 3 ثوانى يقبل فيها حسن الرداد عنق منى زكى حكموا من خلالها على فيلم كامل و فنانة محترمة و يقولوا رائدة السينما النظيفة ... مافيش فى السينما حاجة اسمها نظيفة و لا وسخة ... نعم هناك سينما العائلة و سينما الأطفال و سينما البالغين هذا تصنيف دولى أعترف به منى كانت تتمسك سابقا ً بسينما الأسرة حتى تكون لنفسها قاعدة جماهيرية عريضة فضلت أن تكسب الجمهور على حساب المخرجين الكبار فظلت 10 سنوات يعايرها النقاد بأنها ممثلة فاشلة و يقارنوها بــ حنان ترك التى عملت مع خيرى بشارة و داوود عبد السيد و يوسف شاهين
رغم ان منى تلميذة العملاق سيد المسرح محمد صبحى و رفيقة آخر أيام الأسطورة المصرية أحمد زكى الذى تبناها أسريا ً قبل ان يتبناها فنيا ً و لو أطال الله فى عمره كنا سنشاهدهما معا ً فى روائع
و عندما تقرر أن تقدم منى فيلما ً لا يخص الأسرة و انما يخص البالغين و تتعامل لأول مرة مع الأستاذ الشاهينى النشأة يسرى نصر الله تقوم الدنيا و لا تقعد و بدلا ً من أن نفرح لمنى نهاجمها بضرواة غير مسبوقة لأننا أصبحنا مجتمع متخلف وهابى امنعوا السينما خالص و ريحونا السينما حرام كلها ... استريحتوا ؟
حاجة غريبة قوى ! منى قدمت قبل ذلك قبلات و مشاهد نصف حميمية عندما تطلب الأمر ذلك قبلتها فى " افريكانو " مع السقا هى نفس قبلة فاتن حمامة مع فريد الأطرش فى " الحب الكبير " ايحاءات المراهقين فى " العشق و الهوى " و " تيمور و شفيقة "
ثم من فى الجيل الحالى قرر أن يغامر و يقدم فيلم دسم عن المرأة المصرية - و العربية بشكل عام - المطحونة سوى منى زكى ... حتى هند صبرى أكثر الفنانات ثقافة و إضطلاعاً و قراءة ً و تونسية الأصل - تونس جنة حقوق المرأة فى الوطن العربى - لم تفكر فى ذلك
و نصر الله اول ما قرر الإختيار اختار منى زكى و منى وافقت على طول لأنها علمت أن الوقت قد حان للإنطلاق و أن الساحة الآن باتت خالية من نجمة حقيقية لها ثقلها الفنى و لها مريديها و عشاقها بل و دراويشها
كثيرا ً ما كانت تتشدق نبيلة عبيد بأنها و جيلها - تقصد عدوتها اللدود نادية الجندى - هن من جعلن ما يسمى بنجمات الشباك و استطعن أن يسوقن أفلام باسماءهن فقط دون الحاجة للأبطال الرجال بجوارهم
من الآن من النجمات الحاليات يستطيع ذلك ؟ نيللى كريم بتحارب طواحين الهوا عشان تحقق ده مى عز الدين ياريتها ما سعت لده بسمة بتقدم تجارب غريبة عشان تلفت الإنتباه هند صبرى استسلمت نور مازالت صامدة فى سكة مختلفة
انا كمشاهد سينمائى حقيقى و كناقد جاد فخور بمنى زكى و أحييها من كل قلبى على ذكاءها الأنثوى قبل كل شئ و أقول لها " معلش يا أستاذة منى حضرتك عارفة النجاح مابيجيش بالساهل ابدا ً و انتى مش محتاجة أقول لك الكلام ده أساتذتك قالوه لكى كتير و تجربة مسلسل " السندريلا " طعمتك و ادتك حصانة ابوس ايدك ماتتراجعيش عن طموحاتك "
انا منتظر بعد رائعة نصر الله الأخيرة أشوف منى متألقة مع العريان يشاركها الأسمر عمرو سعد فى " أسوار القمر "
و لكم معى لقاء آخر أعلق فيه على فيلم
" احكى يا شهرزاد "
الخميس، ٢١ مايو ٢٠٠٩
مش باقى منى - من فيلم دكان شحاتة
مش باقى منى غير شوية ضى فى عينيا ، انا حاديهوملك و امشى بصبرى فى الملكوت
يمكن فى نورهم تلمحى خطوة تفرق معاكى بين الحياة و الموت
مش باقى منى غير شوية قوة فى ردى حسبى عليهم و انتى بتخطى
مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى
فى معركة ما فيهاش و لا طايرات و لا جيش
و انتى فى طابور العيش
بتبوسى ايد الزمن ينولك لقمة ، من حقك المشروع
مش باقى منى غير شرقة فى نفس مقطوع
و انا صوتى مش مسموع
يا حلمنا الموجوع
من المرور ممنوع
مستنى لم يمر موكب سلاطينك
و مش باقى منى غير شوية كفر بشروقك
على شوية رحمة من طينك
على شوية صبر من دينك
مش باقى منى غير شوية لحم فى كتافى ، بلاش يتبعتروا فى البحر
مش باقى منى غير شوية لحم فى كتافى ، بلاش يتحرقوا فى قطر الصعيد فى العيد
بلاش لكلب الصيد تناوليهم
خدى اللى باقى من الأمل فيهم و ابنى لى من عضمهم فى كل حارة مقام
و زورينى مرة وحيدة لو كل ألفين عام
ألم الجراح يتلم
و مش باقى منى غير شوية دم
متلوثين بالهم
مرين و فيهم سم
و مش باقى منى غير شوية دم ، ما قدركش أسقيكى مواجعهم
و برضه ما قدرش أرميكى و أبعهم
يمكن فى مرة تطلبينى شهيد حاحتاج يوميها الدم يمضى على شهادتى
غناء : أحمد سعد
كلمات : الشاعر الكبير جمال بخيت
ألحان : أحمد سعد
يمكن فى نورهم تلمحى خطوة تفرق معاكى بين الحياة و الموت
مش باقى منى غير شوية قوة فى ردى حسبى عليهم و انتى بتخطى
مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى
فى معركة ما فيهاش و لا طايرات و لا جيش
و انتى فى طابور العيش
بتبوسى ايد الزمن ينولك لقمة ، من حقك المشروع
مش باقى منى غير شرقة فى نفس مقطوع
و انا صوتى مش مسموع
يا حلمنا الموجوع
من المرور ممنوع
مستنى لم يمر موكب سلاطينك
و مش باقى منى غير شوية كفر بشروقك
على شوية رحمة من طينك
على شوية صبر من دينك
مش باقى منى غير شوية لحم فى كتافى ، بلاش يتبعتروا فى البحر
مش باقى منى غير شوية لحم فى كتافى ، بلاش يتحرقوا فى قطر الصعيد فى العيد
بلاش لكلب الصيد تناوليهم
خدى اللى باقى من الأمل فيهم و ابنى لى من عضمهم فى كل حارة مقام
و زورينى مرة وحيدة لو كل ألفين عام
ألم الجراح يتلم
و مش باقى منى غير شوية دم
متلوثين بالهم
مرين و فيهم سم
و مش باقى منى غير شوية دم ، ما قدركش أسقيكى مواجعهم
و برضه ما قدرش أرميكى و أبعهم
يمكن فى مرة تطلبينى شهيد حاحتاج يوميها الدم يمضى على شهادتى
غناء : أحمد سعد
كلمات : الشاعر الكبير جمال بخيت
ألحان : أحمد سعد
الأحد، ٨ مارس ٢٠٠٩
الجمعة، ١٩ سبتمبر ٢٠٠٨
الجيل الثانى
بعد استمرار دام أكثر من ربع قرن للإدارة المصرية الحالية و جمود كامل و شامل فى الحياة السياسية المصرية و ركود فى كافة نواحى الحياة الإجتماعية و الإقتصادية و المادية و الثقافية و العلمية ... إلخ و سيطرة الفساد على البلاد ، و وجود رهط من الناس يفسدون فى البلاد و لايصلحون يتوجهون بتوجهيات و أوامر الحاكم بأمر الشيطان و ابنه و أصبحت هذه المجموعة لها دولة داخل الدولة يتكاثرون و يتناسلون و يتناكحون فيما بينهم و يتبادلون المصالح فيما بينهم و يفعلون ما فى صالحهم فقط و يصدرون القوانين و التشريعات التى تساعدهم على غيهم و جبروتهم السرقة أصبحت شريعتهم و البغى نهجهم و الفساد حياتهم و الإفساد أسلوبهم
الآن بنجاح ساحق تم تفريخ الجيل الثانى من هؤلاء الرهط فبعد أن صغرنا و تذللنا لهم طوال أكثر من ربع قرن الآن يأتى أبنائهم لـ ( يكملوا علينا ) و ( فيها إيه ما احنا استحملنا أهاليهم و رضينا بالإهانة و ضرب الجزم طوال أكثر من ربع قرن كئيب جت عليهم دلوقت )
إليكم فيديو قام بتصويره الزميل المدون الأشهر وائل عباس أترككم مع الفيديو ثم أعلق عليه
اولا ً هذه الفتاة سواء أكانت ابنة ضابط شرطة ام لا فالعصا الكهربائية التى تروع بها الآمنين - لا يستخدمها سوى رجال الشرطة او بمعنى آخر ( دى مابتتباعش فى السوبر ماركت زى الصواعق الكهربائية اللى بتشيلها الستات و الآنسات فى كل دول العالم ) هذه عصا لا تفقد شحنها بعد كل صعقة و صعقتها عظيمة تؤدى لما هو أكبر من الشلل المؤقت - فى الشارع تدل على أنها من أولاد الفاسدين المفسدين الضالين المضلين ( يعنى ابوها واصل ) ثانيا ً حتى لو كانت هذه الفتاة لم تخطئ فى حق الشاب فهذه الفتاة اساسا ً كلها أخطاء ألفاظها النابية البذيئة ملابسها ... و شكلها الذى ليس له سوى كلمة واحدة للتعبير عنه دينى ثم حيائى يمنعنى من نعت الفتاة بها و لكنكم يمكنكم تتبع الفيديو و ستجدون هذه الكلمة و أكثر على اليوتيوب ثالثا صدق الله العظيم إذ قال ( و لا تسبوا الذين يدعون من دون الله فيسبوا الله عدوا ً بغير علم كذلك زينا لكل أمة عملهم ثم إلى ربهم مرجعهم فينبئهم بما كانوا يعملون )
الأنعام 108 هكذا سبت هذه الفتاة الله بكل جهل نهارا ً جهارا ً فى النهاية لا يسعنى سوى أن أقول ربنا لا تؤاخذنا بما فعل السفهاء منا
محمد ياسر بكر
الخميس، ١٨ سبتمبر ٢٠٠٨
السبت، ٢٣ أغسطس ٢٠٠٨
كلنا ليلى 3
إعلان هام تم تأجيل يوم "كلنا ليلى" الثالث لهذا العام إلى ما بعد رمضان . نظراً للإنشغال خلال هذا الشهر الفضيل . وعلى من يرغب فى المشاركة فى هذا اليوم أن يراسلنا على بريدنا الإلكتروني
وللمزيد من التفاصيل تابعونا على
لمعرفة قصة ليلى وسبب اختيار الاسم تابعوا الرابط التالي
الجمعة، ٢٢ أغسطس ٢٠٠٨
الأربعاء، ٢٠ أغسطس ٢٠٠٨
الفرق بين البلد دى و غيرها
من فيلم " قص و لزق " لـ هالة خليل المشهد ليل داخلى داخل عربة مترو الأنفاق بين يوسف " شريف منير " و سامى " فتحى عبد الوهاب " و الأخير هو من يبدأ بالكلام
- عارف يا يوسف انا لو كسبت فى مسابقة من اللى بيعلنوا عنهم دول طول النهار فى التلفزيون حاعمل إيه ؟
- حاتعمل إيه ؟
- أقول لك بقى تعمل إيه ... تنزل يا معلم دشك ، تكييفك ، نسوانك و تقعد بفى فى البيت تعمل يوم لنانسى ، يوم لدينا ، يوم لهيفا ... ثم يقول ضاغطا ً على أسنانه : لأ يومين لهيفا !
ثم يضحك ...
- و الله يا اخى انا باحسدك عشان انتا عارف انتا عايز ايه بالضبط يعنى تكييف و نسوان و مافيش مانع من سيجارتين حشيش معاهم كمان .
- ياااه يا يوسف اهو انا ابقى ساعتها حاخاف لأحسن اموت و اسيب النعيم ده كله .
- اهوا انا بقى عمرى ما عرفت انا عايز ايه بالظبط ، طول عمرى برضى باللى بتدهونى الدنيا حتى لو كان قليل و اللى بتحوشه عنى بزهده و استغنى عنه ، ماعرفش ليه ؟ او اقول لنفسى معلش اللى ماجاش النهاردة بييجى بكرة بس من كام يوم كده بصيت على وشى و وش يحيى فى المرايا لقيتنا كبرنا ... كبرنا و الدنيا مادتناش اى حاجة ...
تفتكر البلد دى ماعندهاش حاجة تديهالنا ؟ و لا احنا اللى مش عارفين ناخد منها حاجة ؟
يضحك ثم يقول - طب و تفرق ايه كده كده ماحدش واخد منها حاجة . يضحك ثانية ً
- لأ تفرق كتير لو العيب فينا يبقى ما تفرقش البلد دى عن غيرها ، انما لو العيب من البلد يبقى مش عيب ان احنا ندور على بلد تانية ... صح و لأ ؟
- عارف يا يوسف الفرق بين البلد دى و غيرها ؟ ان البلد دى محجوزة بوضع اليد لناس تانية و انا و انتا ايدينا مش طايلة عشان كده مالناش فى خيرها نايب و اللى انتا بتسميه زهد ده انا باسميه تكيف ... تكيف مع الظروف .
- مستغنى عن ايه ؟ عن انك تحب و تتجوز و يبقى عندك بيت و عيال و شغلانة محترمة و احساس بالأمان .
- امسك امسك خد نفس عميق و تكيف !!!!!!
- عارف يا يوسف انا لو كسبت فى مسابقة من اللى بيعلنوا عنهم دول طول النهار فى التلفزيون حاعمل إيه ؟
- حاتعمل إيه ؟
- أقول لك بقى تعمل إيه ... تنزل يا معلم دشك ، تكييفك ، نسوانك و تقعد بفى فى البيت تعمل يوم لنانسى ، يوم لدينا ، يوم لهيفا ... ثم يقول ضاغطا ً على أسنانه : لأ يومين لهيفا !
ثم يضحك ...
- و الله يا اخى انا باحسدك عشان انتا عارف انتا عايز ايه بالضبط يعنى تكييف و نسوان و مافيش مانع من سيجارتين حشيش معاهم كمان .
- ياااه يا يوسف اهو انا ابقى ساعتها حاخاف لأحسن اموت و اسيب النعيم ده كله .
- اهوا انا بقى عمرى ما عرفت انا عايز ايه بالظبط ، طول عمرى برضى باللى بتدهونى الدنيا حتى لو كان قليل و اللى بتحوشه عنى بزهده و استغنى عنه ، ماعرفش ليه ؟ او اقول لنفسى معلش اللى ماجاش النهاردة بييجى بكرة بس من كام يوم كده بصيت على وشى و وش يحيى فى المرايا لقيتنا كبرنا ... كبرنا و الدنيا مادتناش اى حاجة ...
تفتكر البلد دى ماعندهاش حاجة تديهالنا ؟ و لا احنا اللى مش عارفين ناخد منها حاجة ؟
يضحك ثم يقول - طب و تفرق ايه كده كده ماحدش واخد منها حاجة . يضحك ثانية ً
- لأ تفرق كتير لو العيب فينا يبقى ما تفرقش البلد دى عن غيرها ، انما لو العيب من البلد يبقى مش عيب ان احنا ندور على بلد تانية ... صح و لأ ؟
- عارف يا يوسف الفرق بين البلد دى و غيرها ؟ ان البلد دى محجوزة بوضع اليد لناس تانية و انا و انتا ايدينا مش طايلة عشان كده مالناش فى خيرها نايب و اللى انتا بتسميه زهد ده انا باسميه تكيف ... تكيف مع الظروف .
- مستغنى عن ايه ؟ عن انك تحب و تتجوز و يبقى عندك بيت و عيال و شغلانة محترمة و احساس بالأمان .
- امسك امسك خد نفس عميق و تكيف !!!!!!
الاشتراك في:
الرسائل (Atom)