الى الشعب المصرى

الى كل المصريين اوجه كلامى ناموا واتغطوا كويس ولا تشغلوا بالكم بحاجة شدوا اللحاف واوعوا تتعروا لتستهوا وتخدوا برد,سيبوا فرعون مصر يذبح ابنائكم ويستحيى نسائكم هو فيه زى كده استحياء يتحرشوا ويغتصبوا الستات والبنات فى المظاهرات واللى بره المظاهرات يسلطوا عليهم سفهائهم من الشباب الضريبة فى كل شارع وحارة فيكى يا مصر حتى الحجاب عايزين يقلعهولكم,ناموا واتغطوا كويس وسيبوا هامان وجنوده يبهدلوا فى بدو سينا و يفشخوا وينفخوا عيالكم فى الاقسام والشوارع ويمرمطوا ويستعبدوا الصعايدة سيبوا ايمن نور اعظم رمز للنضال والحرية فى القرن21يموت فى السجن زى ما سيبتوا نعمان جمعة يورطوه و يضيعيوامستقبله(يكفيه فخرا انه كان من المجموعة اللى رجعت لنا طابا)سيبوهم يضيعوا طلعت السادات و يستفردوا بباقى عائلة القائد محمد انور السادات الغرابة يا اخى كل حكامنا محترمين الا الخرا اللى حاكمنا ده لو ابتدينا من الملك فاروق نلاقى انه بغض النظر عن حاشيته الفاسدة الا انه كان بيحب مصرو العرب كفاية انه دخل حرب 48 يدافع عن فلسطين و الاقصى وانه لم العرب فى جامعة الدول العربية و عبد الناصر بنى مصر كلها اللى بيبيعوا فيها دلوقت حتة حتة زى الاستربتيز و القائد السادات حارب وانتصر و رفع راسنا فوق اما مبارك عميل التاريخ حيثبت تورطه فى اغتيال السادات لحساب الاسرئيليين ده ما بيحبش مصر ولا المصريين ولكنه بيحب الاسرئيليين قوى وبيساعدهم بكل ما اوتى من قوة ويطبع معاهم مشى فى جنازة رابين وقابل عزرا فايتمان وسلم على اولمرت وحضنه بترحاب شديد و نقل مقر الحكم فى شرم الشيخ عشان يجاورهم و مضى الكويز و دخلهم سينا قفل المعابر فى وش الفلسطينيين وصدر لهم الغاز و المياه و القطن قابل كل المنشقين و المتمردين امثال جارنج و وليد جنبلاط و رفض يقابل شرفاء زى هنية اللى بعد كده فتح له المعبر عشان يضربوه بالنار ويسرقوا اموال الشعب الفلسطيتى الغلبان زى ما بتتنهب مصر بيكره القائد نصر الله عشان حارب الاسرائليين حبايبه و سماه البتاع ده زى ماضرب وسحل اللآجئين السودانيين بيكره مصر يا جماعة عميييييييييييييييييييييل,الى كل المصريين ناموا واتغطوا كويس سيبوا جورج اسحاق و الشباب اللى معاه يندعكوا ويندعؤا فى الشوارع والاقسام فاكرين مصطفى متولى فى شمس الزناتى قال ايه لشيخ القبيلة؟ خش نام انت واستريح يا عم الشيخ فيه 7 جدعان زى الورد حيندبحوا بدالكم بكره
ناموا ايها المصريين واتغطوا كويس سيبوا شباب كفاية و شايفينكم وحقوق الانسان و الجامعات والاتحادات الحرة و9مارس يندبحوا بدالكم اصلى خلاص ما عدش فيه امل انكم تصحوا الاكل غلى رغم انه ملوث زى الميه والهوا صحتكم وصحة عيالكم بتتدهور وكمان حيخصخصوا لكم التأمين الصحى و يسيب كل الادوية للشركات الأجنبية ده غير ان ولادكو ما بيتعلموش حاجة خالص و حيخصخصوه برضه وما بيلقوش شغل لما بيتخرجوا وبناتكو حتعنس وما حدش حيجوزها لانكم ما بتجوزهمش لمن ترضون دينه
ناموا واتغطوا كويس لحد لما السرطان و الفشل الكبدى و فيرس سى السكر والضغط ما يخلصوا عليكم لكن اقول ايه ما هو كيفما تكونوا يولى عليكم وادينا شيفين الولاية بسم الله ما شاء الله عدينا مرحلة ديل الامم وبقينا زبالة الامم و الحمد لله ما هو رئيسنا مش محترم لا لذاته و لا لشعبه بتشوفوه ازاى ما يستجراش يحط رجل على رجل قدام اى اجنبى و كمان قاعد على طرف الكرسى منحنى و مدلدل زى ....شفتوا قبل كده رئيس جمهورية يستقبل مساعد نائب وزير الخارجية الامريكى بتشوفوه فاضحنا فى كل حتة ازاى و هو بيسلم على النسوان الاجانب
ناموا واتغطوا كويس و اوعوا تصحوا دى رسالة من مواطن مصرى لسه عنده دم و حسبى الله و نعم الوكيل

نقلا ً عن مدونتى القديمة " الفرسان " ديسمبر 2006